ന്യൂഡല്‍ഹി: സാമൂഹ്യ മാധ്യമങ്ങളായ ഫെയ്‌സ്ബുക്ക്, ട്വിറ്റര്‍ പ്രതിനിധികളോട് ഹാജരാകാന്‍ പാര്‍ലമെന്ററി സമിതിയുടെ നോട്ടീസ്. കോണ്‍ഗ്രസ് എംപി ശശി തരൂര്‍ അധ്യക്ഷനായ ഐ ടി പാര്‍ലമെന്ററി സമിതിയാണ് 21 ഹാജരാകാന്‍ വേണ്ടി നോട്ടീസ് നല്‍കിയിരിക്കുന്നത്.
രാഷ്ട്രീയ നേട്ടങ്ങള്‍ക്കായി ഫെയ്‌സ്ബുക്ക് ദുരുപയോഗം ചെയ്തുവെന്ന ആരോപണത്തെക്കുറിച്ചാണ് ഐടി പാര്‍ലമെന്ററി സമിതി അന്വേഷിക്കുന്നത്. കഴിഞ്ഞ വര്‍ഷം സെപ്റ്റംബറിലാണ് സമിതി രൂപീകരിച്ചത്.
ഭരണകക്ഷിയായ ബിജെപിക്ക് വേണ്ടി ഫെയ്‌സ്ബുക്ക് ഇന്ത്യ പ്രവര്‍ത്തിക്കുന്നതായി അന്താരാഷ്ട്ര മാധ്യമമായ വാള്‍സ്ട്രീറ്റ് ജേര്‍ണല്‍ പ്രസിദ്ധീകരിച്ച റിപ്പോര്‍ട്ട് വിവാദമായിരുന്നു. ഇതിന് പിന്നാലെയാണ് സാമൂഹ്യ മാധ്യമങ്ങളുടെ ദുരുദ്ദേശപരമായ ഇടപെടലുകളെ കുറിച്ച് പഠിക്കാനായി പാര്‍ലമെന്ററി സമിതി തീരുമാനിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
