ന്യൂഡല്‍ഹി: ഡല്‍ഹിയില്‍ കോവിഡ് കേസുകള്‍ ഗണ്യമായി താഴ്ന്നു. നിലവില്‍ മൂന്ന് ശതമാനത്തില്‍ താഴെയാണ് ടിപിആര്‍. 2.87 ശതമാനമാണ് പ്രതിദിന രോഗസ്ഥിരീകരണ നിരക്കെന്ന് ഡല്‍ഹി സര്‍ക്കാര്‍ അറിയിച്ചു.
ശനിയാഴ്ച 1604 പേര്‍ക്കാണ് പുതുതായി കോവിഡ് സ്ഥിരീകരിച്ചത്. കഴിഞ്ഞദിവസം ഇത് 2272 ആയിരുന്നു. 3.85 ആയിരുന്നു വെള്ളിയാഴ്ചത്തെ ടിപിആര്‍. ജനുവരി 13ന് പ്രതിദിന കോവിഡ് കേസുകള്‍ 28,867 ആയി ഉയര്‍ന്ന് റെക്കോര്‍ഡ് ഇട്ടശേഷമാണ് താഴ്ന്ന് തുടങ്ങിയത്.
അന്ന് 30 ശതമാനമായിരുന്നു ടിപിആര്‍. പത്തുദിവസം കൊണ്ട് പ്രതിദിന കോവിഡ് രോഗികള്‍ പതിനായിരത്തില്‍ താഴെ എത്തിയതായി ഡല്‍ഹി കണക്കുകള്‍ വ്യക്തമാക്കുന്നു. കോവിഡ് കേസുകള്‍ ഗണ്യമായി കുറഞ്ഞതിനെ തുടര്‍ന്ന് ഡല്‍ഹി സര്‍ക്കാര്‍ കൂടുതല്‍ ഇളവുകള്‍ പ്രഖ്യാപിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
