ന്യൂഡല്ഹി: മണിപ്പൂരിലെ രാഷ്ട്രപതി ഭരണം പിന്വലിച്ചു. കേന്ദ്ര ആഭ്യന്തര മന്ത്രാലയം ഇതു സംബന്ധിച്ച വിജ്ഞാപനം പുറത്തിറക്കി. ഒരു വര്ഷം പൂര്ത്തിയാകാനിരിക്കെയാണ് രാഷ്ട്രപതി ഭരണം പിന്വലിക്കുന്നത്. ഇതോടെ പുതിയ സര്ക്കാര് ഉടന് അധികാരമേല്ക്കും.
ബിജെപി നേതാവായ യുംനാം ഖേംചന്ദ് സിങ് മണിപ്പൂരിലെ പുതിയ മുഖ്യമന്ത്രിയാകും. കഴിഞ്ഞ ദിവസം ഡല്ഹിയില് ചേര്ന്ന യോഗത്തിലാണ് ഖേംചന്ദ് സിങിനെ ബിജെപിയുടെ നിയമസഭാകക്ഷി നേതാവായി തെരഞ്ഞെടുത്തത്. സര്ക്കാര് രൂപീകരിക്കണമെന്ന ആവശ്യവുമായി ബുധനാഴ്ച ഖേംചന്ദ് സിങ് ഗവര്ണറെ കണ്ടിരുന്നു. കുക്കി വിഭാഗത്തില് നിന്നുള്ള വനിതാ നേതാവും മുന്മന്ത്രിയുമായ നെംചാ കിപ്ജെന് ഉപമുഖ്യമന്ത്രിയാകും.
മെയ്തേയ് വിഭാഗത്തില് നിന്നുള്ള യുംനാം ഖേംചന്ദ് ബിരേന് സിങ് മന്ത്രിസഭയിലെ വിദ്യാഭ്യാസ-പഞ്ചായത്തീരാജ് വകുപ്പ് മന്ത്രിയായിരുന്നു. 2022ല് സിന്ഗ്ജാമെയ് മണ്ഡലത്തില് നിന്നാണ് യുംനാം തെരഞ്ഞെടുക്കപ്പെട്ടത്. 2017ലും ഇതേ മണ്ഡലത്തില് നിന്ന് യുംനാം തെരഞ്ഞെടുക്കപ്പെട്ടിരുന്നു. മണിപ്പൂര് അസംബ്ലി സ്പീക്കറായും സേവനം അനുഷ്ഠിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
