വിക്ഷേപണം വിജയം; സിം​ഗപ്പൂർ ഉപ​ഗ്രഹങ്ങളെ ഭ്രമണപഥത്തിൽ എത്തിച്ച് ഐഎസ്ആർഒ

ശ്രീഹരിക്കോട്ട: സിം​ഗപ്പൂർ ഉപ​ഗ്രഹങ്ങളെ വിജയകരമായി ഭ്രമണപഥത്തിലെത്തിച്ചതായി ഐഎസ്ആർഒ. വാണിജ്യ വിക്ഷേപണത്തിന്റെ ഭാ​ഗമായി സിം​ഗപ്പൂരിന്റെ ടെലിയോസ്-2 , ലുമെലൈറ്റ്-4 എന്നീ ഉപ​ഗ്രഹങ്ങളാണ് പിഎസ്എൽവി സി55 റാക്കറ്റിൽ ശ്രീഹരിക്കോട്ടയിലെ സതീഷ് ധവാൻ കേന്ദ്രത്തിൽ നിന്നും വിക്ഷേപിച്ചത്.

അഞ്ച് മണിക്കൂറത്തെ കൗണ്ട്ഡൗണിന് ശേഷം ഇന്ന് ഉച്ചയ്‌ക്ക് 2.19 നായിരുന്നു വിക്ഷേപണം. ഐഎസ്ആർഒയുടെ ഈ വർഷത്തെ മൂന്നാമത്തെ ബൃഹത്തായ വിക്ഷേപണമാണിത്. പിഎസ്എൽവി- സി55 ദൗത്യത്തിന്റെ ഭാ​ഗമായി വിക്ഷേപിക്കുന്ന രണ്ട് ഉപ​ഗ്രഹങ്ങൾക്ക് മാത്രം 757 കിലോ​ഗ്രാം ഭാരമുണ്ട്. 

ബഹിരാകാശ നിരീക്ഷണം, മൂടൽമഞ്ഞ്, ആകാശ അപകടങ്ങൾ എന്നിവയ്ക്ക് സഹായകരമാകുന്ന വ്യക്തതയുള്ള ചിത്രങ്ങൾ എടുക്കാനുള്ള പ്രത്യേകം സജീകരണവും വിക്ഷേപണ വാഹനത്തിൽ ഒരുക്കിയിട്ടുണ്ട്. 1993ലാണ് പിഎസ്എൽവി ആദ്യമായി വിക്ഷേപിക്കുന്നത്. നാലു ഘട്ടങ്ങളുള്ള വിക്ഷേപണ വാഹനത്തിന് രണ്ട് ഘട്ടങ്ങൾ ഖര ഇന്ധനവും രണ്ട് ഘട്ട​ങ്ങൾ ദ്രാവക ഇന്ധനവുമാണ്.

ഈ വാർത്ത കൂടി വായിക്കൂ 

ശാരീരികമായി ഉപദ്രവിച്ചെന്ന് ശ്രീനിവാസനെതിരെ പരാതി; അങ്കിത ദത്തയെ കോൺ​ഗ്രസിൽ നിന്ന് പുറത്താക്കി

സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ