അസമില്‍ മാധ്യമപ്രവര്‍ത്തകനെ മര്‍ദിച്ച് പൊലീസ്. ഹെല്‍മെറ്റ് ധരിക്കാതിരന്നത് ചോദ്യം ചെയ്ത മാധ്യമപ്രവര്‍ത്തകനെ രണ്ട് പൊലീസുകാര്‍ മര്‍ദിക്കുന്നതിന്റെ ദൃശ്യങ്ങള്‍ പുറത്തുവന്നു. ജയന്ത് ദേബാനന്ദ് എന്നയാളെയാണ് പൊലീസ് പൊതുജന മധ്യത്തില്‍ മര്‍ദിച്ചത്.
കൂടുതല്‍ പൊലീസുകാരെ വിളിച്ചു വരുത്തുകയും ഇദ്ദേഹത്തെ ബലമായി പൊലീസ് ജീപ്പില്‍ കയറ്റി കൊണ്ടുപോവുകയും ചെയ്തു. ഹെല്‍മെറ്റ് ധരിക്കാതെ ബൈക്കില്‍ എത്തിയ പൊലീസുകാരോട്, ഇത് എന്ത് സന്ദേശമാണ് ജനത്തിന് നല്‍കുക എന്ന് ചോദിച്ചതിനാണ് തന്നെ പൊലീസ് മര്‍ദിച്ചതെന്ന് ദേബാനന്ദ് പറഞ്ഞു. ഇതാണ് താന്‍ ചെയ്ത ഏക തെറ്റെന്നും അദ്ദേഹം കൂട്ടിച്ചേര്‍ത്തു.
താന്‍ ഒരു മാധ്യമപ്രവര്‍ത്തകനാണെന്ന് പറഞ്ഞപ്പോള്‍, കൂടുതല്‍ മര്‍ദിച്ചെന്നും ദേബാനന്ദ് വാര്‍ത്താ ഏജന്‍സിയായ എഎന്‍ഐയോട് പറഞ്ഞു. ദേബാനന്ദിന്റെ പരാതിയുടെ അടിസ്ഥാനത്തില്‍ അസം പൊലീസ് വിഷയത്തില്‍ അന്വേഷണം ആരംഭിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
