ജയ്പൂര്‍: രാജസ്ഥാനില്‍ പത്ത്, പന്ത്രണ്ട് ക്ലാസുകളിലേക്ക് നടന്ന പരീക്ഷയില്‍ വിജിലന്‍സ് സ്‌ക്വാഡ് ക്രമക്കേട് നകണ്ടെത്തി. ദേചുവിലെ കോലുഗ്രാമത്തിലെ സര്‍ക്കാര്‍ സ്‌കൂളിലാണ് വന്‍ തോതില്‍ ക്രമക്കേട് കണ്ടെത്തിയത്.
സംസ്ഥാനത്തെ സ്‌കൂളുകളില്‍ പരിശോന നടത്തിയ സംഘം ഈ സ്‌കൂളിലെത്തിയപ്പോള്‍ ഗേറ്റ് അകത്ത് നിന്നു പൂട്ടിയ നിലയില്‍ കണ്ടെത്തി. വിജിലന്‍സ് സംഘം മതില്‍ ചാടി അകത്തു കടന്നപ്പോള്‍ അധ്യാപകര്‍ ഉത്തരങ്ങള്‍ ബോര്‍ഡില്‍ എഴുതികൊടുക്കുന്നതാണ് കണ്ടത്. ഈ ദൃശ്യങ്ങള്‍ വിജിലന്‍സ് സംഘം മൊബൈലില്‍ പകര്‍ത്തുകയും ചെയ്തു.
സ്‌കൂളില്‍ വ്യാപകമായി ക്രമക്കേട് നടക്കുന്നുണ്ടെന്ന വിവരത്തിന്റെ അടിസ്ഥാനത്തിലാണ് പരിശോധന നടത്തിയതെന്ന് ഫ്‌ളയിങ് സ്‌ക്വാഡിന് നേതൃത്വം നല്‍കിയ നിഷി ജെയിന്‍ പറഞ്ഞു. പരിശോധനയ്്ക്കായി എത്തിയപ്പോള്‍ സ്‌കൂളിന്റെ ഗേറ്റ് പൂട്ടിക്കിടക്കുകയായിരുന്നു. തുടര്‍ന്ന് ഞങ്ങള്‍ മതില്‍ ചാടി അകത്തുകടന്നപ്പോള്‍ ഉത്തരങ്ങള്‍ അധ്യാപകന്‍ ബോര്‍ഡില്‍ എഴുതിക്കൊടുക്കുകയും കുട്ടികള്‍ പരീക്ഷാപേപ്പറില്‍ പകര്‍ത്തുന്നതുമാണ് കണ്ടതെന്ന് അദ്ദേഹം പറഞ്ഞു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
കുട്ടികളുടെ കൈയില്‍ നിന്ന് വതോതില്‍ പണം കണ്ടെത്തിയെന്നും അദ്ദേഹം പറഞ്ഞു. അന്യായമായി സഹായം ചെയ്യുന്ന അധ്യാപകര്‍ക്ക് രണ്ടായിരം രൂപ നല്‍കിയതായും ചില കുട്ടികള്‍ സമ്മതിച്ചായി ഉദ്യോഗസ്ഥന്‍ പറഞ്ഞു. സയന്‍സ് പരീക്ഷയ്ക്കിടെയാണ് ഇത്തരത്തില്‍ ക്രമക്കേട് കണ്ടെത്തിയത്. ഉടന്‍ തന്നെ വിവരം അറിഞ്ഞ് പൊലീസ് സ്ഥലത്തെത്തിയെങ്കിലും അധ്യാപകര്‍ ഓടി രക്ഷപ്പെട്ടു. പ്രിന്‍സിപ്പല്‍ ഉള്‍പ്പടെ പത്ത് അധ്യാപകര്‍ക്കെതിരെ കേസ് എടുത്തതായും ചിലരെ സസ്‌പെന്‍ഡ് ചെയ്തതായും അധികൃതര്‍ അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
