പേര് സാംസങ്, അച്ഛന്റെ പേര് ഐ ഫോണ്!; വരുമാന സര്ട്ടിഫിക്കറ്റിനുള്ള അപേക്ഷ കണ്ട് ഞെട്ടി ഉദ്യോഗസ്ഥര്
പാട്ന: 'ഡോഗ് ബാബു' എന്ന നായയ്ക്ക് റസിഡന്ഷ്യല് സര്ട്ടിഫിക്കറ്റ് നല്കിയതിന് ശേഷം വീണ്ടും വാര്ത്തകളില് നിറഞ്ഞ് ബിഹാര്. ഇത്തവണ വരുമാന സര്ട്ടിഫിക്കറ്റിനായി സമര്പ്പിച്ച അപേക്ഷകന്റെയും മാതാപിതാക്കളുടെ പേരുമാണ് വൈറല് ആയിരിക്കുന്നത്. അപേക്ഷകന്റെ പേര് 'സാംസങ്' എന്നും മാതാപിതാക്കളുടെ പേര് ഐഫോണ് എന്നും 'സ്മാര്ട്ട് ഫോണ്' എന്നുമാണ് രേഖപ്പെടുത്തിയിരിക്കുന്നത്. വരുമാന സര്ട്ടിഫിക്കറ്റ് ഫോമില് കുടുംബത്തിന്റെ മേല്വിലാസം 'ഗദ്ദ'എ്നാണ് രേഖപ്പെടുത്തിയിരിക്കുന്നത്.
മോദന്ഗഞ്ച് ഓഫീസില് അപേക്ഷയെത്തിയപ്പോള് ഉദ്യോഗസ്ഥര് ആകെ അമ്പരന്നു. ഉടന് തന്നെ ഉന്നത ഉദ്യോഗസ്ഥനെ വിവരം അറിയിച്ചു. ഫോം പരിശോധിച്ചപ്പോള് ഒരു തമാശയായി തോന്നി. എന്നാല് ഇത്തരം തമാശകള്ക്കെതിരെ കര്ശനമായ നടപടി സ്വീകരിക്കണമെന്ന് മോദന്ഞ്ചിലെ സര്ക്കിള് ഇന്സ്പെക്ടര് പറഞ്ഞു. അതിനാല് ഫോം നിരസിച്ചു. ഇത്തരം തമാശകള്ക്കെതിരെ കര്ശനമായ നിയമനടപടി സ്വീകരിക്കുമെന്ന് അദ്ദേഹം പറഞ്ഞു.
ജെഹനാബാദിലെ സൈബര് പൊലീസില് ഔദ്യോഗികമായി പരാതി നല്കിയിട്ടുണ്ടെന്നും അന്വേഷണം ആരംഭിച്ചതായും അദ്ദേഹം പറഞ്ഞു. കിഴക്കന് ചമ്പാരന് ജില്ലയില് നിന്ന് സമാനമായ ഒരു സംഭവം റിപ്പോര്ട്ട് ചെയ്യപ്പെട്ടു. ഭോജ്പുരി നടി മോണാലിസയുടെ ഫോട്ടോ ഉപയോഗിച്ച് സോണാലിക ട്രാക്ടര് എന്ന പേരില് റസിഡന്ഷ്യല് സര്ട്ടിഫിക്കറ്റിനായി അപേക്ഷ ഫോം സമര്പ്പിച്ചു. അമ്മയുടെ പേര് കാര് ദേവി എന്നുമാണ് രേഖപ്പെടുത്തിയത്. പിതാവിന്റെ പേര് സ്വരാജ് ട്രാക്ടര് എന്നും രേഖപ്പെടുത്തി. ഇതില് അജ്ഞാതനായ അപേക്ഷകനെതിരെ എഫ്ഐഐആര് രേഖപ്പെടുത്തിയിട്ടുണ്ട്. ഈ തട്ടിപ്പില് ഉള്പ്പെട്ട ഡാറ്റാ എന്ട്രി ഓപ്പറേറ്റര്മാരുടെ പങ്ക് അന്വേഷിച്ച് വരികയാണെന്നും കുറ്റക്കാരാണെന്ന് കണ്ടെത്തിയാല് നടപടി സ്വീകരിക്കുമെന്നും ജില്ലാ മജിസ്ട്രേറ്റ് പറഞ്ഞു.
Bihar is in the news again after a residential certificate was issued to a dog named Dog Babu
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
