മുംബൈ: ശിവസേന എംപിയും ഉദ്ധവ് താക്കറെ വിഭാഗം നേതാവുമായ സഞ്ജയ് റാവുത്തിന് ജാമ്യം. സാമ്പത്തിക ക്രമക്കേട് സംബന്ധിച്ച് എന്‍ഫോഴ്സ്മെന്റ് ഡയറക്ടറേറ്റ് രജിസ്റ്റര്‍ ചെയ്ത കേസിലാണ് പ്രത്യേക കോടതി റാവുത്തിന് ജാമ്യം അനുവദിച്ചത്. ആര്‍തര്‍ റോഡ് ജയിലില്‍ നിന്ന് പുറത്തിറങ്ങിയ റാവുത്തിന് വന്‍ സ്വീകരണമാണ് പ്രവര്‍ത്തകര്‍ നല്‍കിയത്. 'കോടതിയോട് ഞാന്‍ നന്ദി പറയുന്നുവെന്ന്' പ്രവര്‍ത്തകര്‍ നല്‍കിയ സ്വീകരണത്തില്‍ സഞ്ജയ് റാവത്ത് പറഞ്ഞു.
കേസില്‍ അന്വേഷണം പുരോഗമിക്കുകയാണെന്ന ഇഡിയുടെ ആവശ്യം കോടതി തളളി. വെള്ളിയാഴ്ചവരെ ജാമ്യം അനുവദിക്കരുതെന്ന ഇഡിയുടെ വാദവും പ്രത്യേക കോടതി പരിഗണിച്ചില്ല.
അതേസമയം, ഇക്കാര്യം വ്യാഴാഴ്ച പരിഗണിക്കാമെന്നും എന്ത് അടിസ്ഥാനത്തിലാണ് പ്രത്യേക കോടതി ജാമ്യം നല്‍കിയതെന്നോ അതിനെ എന്തിനാണ് ഇ.ഡി ചോദ്യം ചെയ്യുന്നതെന്നോ വ്യക്തമല്ലാത്ത സാഹചര്യത്തില്‍ ജാമ്യം അനുവദിച്ച നിലപാട് സ്റ്റേ ചെയ്യാന്‍ ഹൈക്കോടതിക്ക് കഴിയില്ലെന്ന് ജസ്റ്റിസ് ഭാരതി ദാംഗറെ പറഞ്ഞു.
ഈ വാര്‍ത്ത കൂടി വായിക്കൂ ബാബരി മസ്ജിദ് ഗൂഢാലോചന: അഡ്വാനി ഉള്‍പ്പടെയുള്ളവര്‍ക്ക് എതിരായ അപ്പീല്‍ ഹൈക്കോടതി തള്ളി
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
