വനമേഖല വളഞ്ഞ് സൈന്യം; ജമ്മുവിൽ ഭീകരർക്കായുള്ള തിരച്ചിൽ നാലാം ദിവസവും തുടരുന്നു

ശ്രീന​ഗർ: ജമ്മു കശ്മീരിലെ അനന്ത്നാ​ഗിൽ ഭീകരർക്കായുള്ള തിരച്ചിൽ നാലാം ദിവസവും തുടരുന്നു. സൈന്യവും ജമ്മു പൊലീസും സംയുക്തമായാണ് തിരിച്ചിൽ നടത്തുന്നത്. കഴിഞ്ഞ ദിവസമുണ്ടായ ഏറ്റമുട്ടലിൽ നാല് സുരക്ഷാ ഉദ്യോ​ഗസ്ഥർ വീരമൃത്യു വരിച്ചിരുന്നു. മൂന്ന് സൈനികരും ഒരു പൊലീസ് ഉദ്യോ​ഗസ്ഥനമാണ് വീരമൃത്യു വരിച്ചത്. 

കൊക്കർനാഗിലെ ഗാഡോലെ വനമേഖലയിൽ തിരച്ചിൽ തുടരുകയാണ്. മേഖലയിലെ ഭീകരരെ സൈന്യം വളഞ്ഞതായി പൊലീസ് വെളിപ്പെടുത്തി. ഇവരെ ഉടൻ പിടികൂടുമെന്നും പൊലീസ് വ്യക്തമാക്കി.

ഡ്രോണുകൾ ഉൾപ്പെടെയുള്ള സംവിധാനങ്ങൾ ഉപയോ​ഗിച്ചാണ് തിരച്ചിൽ. വനമേഖലയിൽ ഭീകരർ ഒളിച്ചിരിക്കുന്നതായി സംശയിക്കുന്ന ഇടങ്ങളിൽ ഡ്രോണുകൾ ഉപയോ​ഗിച്ച് സൈന്യം ആക്രമണം നടത്തിയിരുന്നു‌.

ഈ വാര്‍ത്ത കൂടി വായിക്കൂ 

വീരമൃത്യു വരിച്ച സൈനികന് ആറുവയസുകാരനായ മകന്റെ സല്യൂട്ട്; വിങ്ങിപ്പൊട്ടി ബന്ധുക്കൾ, ഹൃദയഭേദകം; വിഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ