ന്യൂഡല്‍ഹി: കേന്ദ്ര സര്‍ക്കാരിനെതിരെ രൂക്ഷ വിമര്‍ശനമുയലര്‍ത്തിയതിനു പിന്നാലെ, കൊറോണ വൈറസിന്റെ വകഭേദങ്ങള്‍ കണ്ടെത്താന്‍ കേന്ദ്ര സര്‍ക്കാര്‍ രൂപീകരിച്ച ശാസ്ത്ര ഉപദേഷ്ടാക്കളുടെ സമിതി അധ്യക്ഷ സ്ഥാനത്തുനിന്ന് മുതിര്‍ന്ന വൈറോളജിസ്റ്റ് ഷാഹിദ് ജമീല്‍ രാജിവച്ചു. കോവിഡിനെ കൈകാര്യം ചെയ്യുന്നതില്‍ കേന്ദ്രത്തിനു വീഴ്ച പറ്റിയതായി ഷാഹിദ് ജമീല്‍ കുറ്റപ്പെടുത്തി. രാജിക്കാര്യം ശരിയാണെന്നും തനിക്കു കൂടുതലൊന്നും പറയാനില്ലെന്നും അദ്ദേഹം മാധ്യമങ്ങളോട് പ്രതികരിച്ചു.
കൊറോണയുടെ കൂടുതല്‍ അപകടകാരിയായ ബി 1 617 വകഭേദത്തെക്കുറിച്ച് മാര്‍ച്ച് ആദ്യംതന്നെ ഷാഹിദിന്റെ നേതൃത്വത്തിലുള്ള സമിതി കേന്ദ്ര സര്‍ക്കാരിന് മുന്നറിയിപ്പ് നല്‍കിയിരുന്നു. ഈ കണ്ടെത്തലുകളോട് കേന്ദ്രം വേണ്ടവിധത്തില്‍ പ്രതികരിച്ചില്ലെന്ന വിമര്‍ശനമാണ് അദ്ദേഹം ഉയര്‍ത്തിയത്.
ഷാഹിദ് അടുത്തിടെ ഒരു വിദേശ മാധ്യമത്തില്‍ എഴുതിയ ലേഖനത്തില്‍ ഇന്ത്യ കോവിഡ് കൈകാര്യം ചെയ്യുന്നതുമായി ബന്ധപ്പെട്ട പ്രശ്‌നങ്ങള്‍ ചൂണ്ടിക്കാട്ടിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
