ട്രെ‌യിനിലെ എസി കോച്ചുകളിലെ മടുപ്പിക്കുന്ന വെള്ള ഷീറ്റുകൾ ഇനി ഉണ്ടാവില്ലെന്നുള്ള കാര്യം നിങ്ങൾ അറിഞ്ഞോ? എസി കോച്ചുകളിലെ വെള്ള ഷീറ്റുകൾ ഒഴിവാക്കാനുള്ള നീക്കത്തിലാണ് ഇന്ത്യൻ റെയിൽവേ. ഇനിമുതൽ പരമ്പരാഗത സംഗനേർ ഡിസൈനുകളിൽ തയ്യാറായ പ്രിൻറഡ് ബ്ലാങ്കെറ്റുകളായിരിക്കും ഇതിന് പകരം യാത്രക്കാർക്ക് ലഭിക്കുക.
വോക്കൽ ഫോർ ലോക്കൽ മിഷന്റെ ഭാഗമായാണ് എസി കംപാർട്ട്മെന്റുകളിൽ പ്രിന്റ‍ഡ് ഷീറ്റുകൾ നൽകുന്നത്. കഴിഞ്ഞ വ്യാഴാഴ്ചയാണ് ജയ്പൂർ-അസർവ എക്സ്പ്രസിന്റെ എല്ലാ എസി കോച്ചുകളിലും അച്ചടിച്ച പുതപ്പും കവറുകളും റെയിൽവേ മന്ത്രി അശ്വിനി വൈഷ്ണവ് അവതരിപ്പിച്ചത്.
ഇതുവരെ, ഇന്ത്യൻ റെയിൽവേയുടെ എല്ലാ ദീർഘദൂര ട്രെയിനുകളിലെയും എസി കോച്ചുകളിലെ യാത്രക്കാർക്ക് ഉറങ്ങാൻ പുതപ്പുകൾ, തലയിണകൾ, വെള്ള ഷീറ്റുകൾ എന്നിവയായിരുന്നു നൽകി വന്നിരുന്നത്. ചില ട്രെയിനുകളിൽ, യാത്രക്കാരുടെ സുഖസൗകര്യങ്ങൾക്കായി വെളുത്ത ടവലുകളും നൽകിയിരുന്നു.
യാത്രക്കാരുടെ ശുചിത്വം കണക്കിലെടുത്താണ് ഇനി മുതൽ പ്രിന്റ് ചെയ്ത ഷീറ്റുകൾ നൽകുന്നത്. എല്ലാ ഷീറ്റുകളിലും കവറുകളും ഉണ്ടായിരിക്കും. ഉടൻ തന്നെ രാജ്യത്തെ എല്ലാ ട്രെയിനുകളിലേക്കും ഇവ അവതരിപ്പിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
