മുംബൈ: ജോലിക്ക് വേണ്ടി തിക്കിത്തിരക്കി യുവാക്കള്‍. മുംബൈയിലെ കലീനയിലുള്ള എയര്‍ ഇന്ത്യ എയര്‍പോര്‍ട്ട് സര്‍വീസസ് ലിമിറ്റഡില്‍ ജോലിക്കായി നൂറു കണക്കിന് യുവാക്കളാണ് എത്തിയത്. ചിലര്‍ വാഹനങ്ങളുടെ മുകളിലൂടെയും മറ്റ് ചിലര്‍ മരത്തിന് മുകളില്‍ കയറിയും അഭിമുഖം നടത്തുന്ന സ്ഥലത്തേക്ക് എത്തുന്നത് കാണാം. ഇതിന്റെ വീഡിയോകള്‍ സമൂഹ മാധ്യമങ്ങള്‍ വഴി പ്രചരിക്കുന്നുണ്ട്.
തിക്കും തിരക്കും നിയന്ത്രിക്കുന്നതിനായി ഒടുവില്‍ അധികൃതര്‍ ഇടപെടേണ്ടി വന്നു. യൂട്ടിലിറ്റി ഏജന്റുമാര്‍ ഉള്‍പ്പെടെ വിവിധ ജോലികളിലായി 2216 ഒളിവുകളിലേക്കാണ് എയര്‍ ഇന്ത്യ എയര്‍പോര്‍ട്ട് സര്‍വീസസ് വാക്ക് ഇന്‍ ഇന്റര്‍വ്യൂ നടത്തിയത്.
മുംബൈ അന്താരാഷ്ട്ര വിമാനത്താവളത്തിലെ വിവിധ തസ്തികകളിലേക്ക് കരാര്‍ അടിസ്ഥാനത്തില്‍ അപേക്ഷ ക്ഷണിച്ചുകൊണ്ട് ജൂലൈ 28നാണ് കമ്പനി വിജ്ഞാപനം പുറപ്പെടുവിച്ചത്. സംവരണ മാനദണ്ഡങ്ങള്‍ രാഷ്ട്രപതി നിര്‍ദേശിക്കുന്നതിനനുസരിച്ചായിരിക്കുമെന്നും വിജ്ഞാപനത്തില്‍ പറയുന്നുണ്ട്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
എല്ലാ ബയോഡേറ്റകളും പരിശോധിക്കുമെന്നും യോഗ്യരായവരെ പിന്നീട് ബന്ധപ്പെടുമെന്നും കമ്പനി അറിയിച്ചു.
ഗുജറാത്തിലെ ബറൂച്ചില്‍ കഴിഞ്ഞ ദിവസം സമാനമായ ഒരു സംഭവം നടന്നിരുന്നു. വെറും 10 ഒഴിവുകളിലേക്ക് കെമിക്കല്‍ സ്ഥാപനമായ തെര്‍മാക്‌സ് കമ്പനി സംഘടിപ്പിച്ച അഭിമുഖത്തിന് നൂറു കണക്കിന് ആളുകളാണ് എത്തിയത് . ഇതിന്റെ വീഡിയോയും സാമൂഹിക മാധ്യമങ്ങളില്‍ വൈറലായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
