കര്ഷകര്ക്ക് പിന്തുണ; രാജ്യവ്യാപക പ്രക്ഷോഭത്തിന് കോണ്ഗ്രസ്, വെള്ളിയാഴ്ച രാജ്ഭവനുകള് ഉപരോധിക്കും
ന്യൂഡല്ഹി: കര്ഷക സമരത്തെ പിന്തുണച്ച് രാജ്യവ്യാപക പ്രക്ഷോഭം നടത്താന് കോണ്ഗ്രസ്. അടുത്ത വെള്ളിയാഴ്ച രാജ്യമാകെ പ്രക്ഷോഭം സംഘടിപ്പിക്കും. കിസാന് അധികാര് ദിവസമായി ആചരിക്കുന്ന അന്ന് രാജ്ഭവനുകള് ഉപരോധിക്കും. സമൂഹ മാധ്യമങ്ങളിലൂടെയും പ്രചാരണം നടത്തും.
സോണിയ ഗാന്ധിയുടെ അധ്യക്ഷതയില് ചേര്ന്ന ജനറല് സെക്രട്ടറിമാരുടെയും സംസ്ഥാന ചുമതലയുള്ളവരുടേയും യോഗത്തിലാണ് തീരുമാനം. ഇന്ധനവില കുറയ്ക്കണമെന്ന ആവശ്യവും കോണ്ഗ്രസ് ഉയര്ത്തും
കാര്ഷിക നിയമങ്ങള്ക്ക് എതിരെയുള്ള സമരം പിന്വലിക്കുന്നതിനായി കര്ഷകരും കേന്ദ്രസര്ക്കാരും തമ്മില് നടത്തിയ എട്ടാംവട്ട ചര്ച്ചയും പരാജയപ്പെട്ടിരുന്നു. പതിനഞ്ചിന് വീണ്ടും ചര്ച്ച നടത്തും.
നിയമങ്ങള് പിന്വലിക്കാതെ പ്രക്ഷോഭത്തില് നിന്ന് പിന്നോട്ടില്ലെന്ന നിലപാടിലാണ് കര്ഷകര്. നിയമങ്ങള് പിന്വലിക്കില്ലെന്നും ഭേദഗതികളാകാം എന്ന നിലപാടിലാണ് കേന്ദ്രസര്ക്കാര്. നിയമങ്ങള് പിന്വലിച്ചില്ലെങ്കില് റിപ്പബ്ലിക് ദിനത്തില് ഡല്ഹിയില് ട്രാക്ടര് പരേഡ് നടത്തുമെന്ന് കര്ഷകര് വ്യക്തമാക്കിയിട്ടുണ്ട്. കഴിഞ്ഞ ദിവസം റിഹേഴ്സല് ട്രാക്ടര് റാലിയും നടത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
