ചെന്നൈ: പത്തുരൂപയുടെ നാണയങ്ങള്‍ വാങ്ങാന്‍ നാട്ടുകാര്‍ വിസമ്മതിച്ചപ്പോള്‍ ആ നാണയങ്ങള്‍ ഉപയോഗിച്ച് യുവാവ് ഒരുപുത്തന്‍ കാര്‍ വാങ്ങി. പത്തുരൂപയുടെ നാണയങ്ങളുമായി എത്തിയപ്പോള്‍ ആദ്യം ഞെട്ടിയത് ധര്‍മ്മപുരിയിലെ കാര്‍ ഡീലര്‍മാരാണ്. പിന്നീട് ആ നാണയങ്ങളുമായി എത്താനുണ്ടായ സാഹചര്യം അയാള്‍ വിശദീകരിച്ചത്.
തന്റെ അമ്മ ഒരു കട നടത്തുന്നുണ്ടെന്നും ചില്ലറയായി പത്തുരൂപയുടെ നാണയങ്ങള്‍ ആരും വാങ്ങാതെ വന്നപ്പോള്‍ വീട്ടില്‍ നാണയങ്ങള്‍ കൂമ്പാരമായി കിടന്നെന്നും ഇയാള്‍ പറഞ്ഞു. പത്തുരൂപ നാണയങ്ങള്‍ വിലയില്ലാതെ ഇങ്ങനെ കിടക്കുന്നതുകണ്ടപ്പോഴാണ് ഒരു കാര്‍ വാങ്ങാന്‍ ആഗ്രഹമുണ്ടായതെന്ന് അദ്ദേഹം അരൂര്‍ സ്വദേശി വെട്രിവേല്‍ പറഞ്ഞു.
ആദ്യം പണം വാങ്ങാന്‍ ഡീലര്‍മാര്‍ മടിച്ചുവെങ്കിലും വെട്രിവേലിന്റെ നിശ്ചയദാര്‍ഢ്യം കണക്കിലെടുത്ത് കാര്‍ വില്‍പ്പന യ്ക്ക് തയ്യാറായി. ചാക്കുകളിൽ നാണയം നിറച്ചാണ് ഇയാള്‍ ഷോപ്പിലെത്തിയത്. മണിക്കൂറുകള്‍ നീണ്ട എണ്ണിത്തിട്ടപ്പെടുത്തലിന് ശേഷം ഡീലര്‍മാര്‍ അദ്ദേഹത്തിന് കാറിന്റെ താക്കോല്‍ കൈമാറി.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
