'തമിഴ്നാടിന്റെ വെളിച്ചം'; ആയിരം വിളക്കിൽ ഖുശ്ബു സ്ഥാനാർഥി; ബിജെപിയുടെ ആദ്യപട്ടിക

ചെന്നൈ: തമിഴ്നാട് നിയമസഭാ തെരഞ്ഞെടുപ്പിൽ ബിജെപിയുടെ ആദ്യഘട്ട സ്ഥാനാർഥി പട്ടിക പുറത്ത്. 20 സീറ്റുകളിലാണ് ബിജെപി മത്സരിക്കുക. 17 സ്ഥാനാർഥികളെയാണ് പ്രഖ്യാപിച്ചത്. കോൺ​ഗ്രസ് വിട്ട് ബിജെപിയിലെത്തിയ ഖുശ്ബു ചെന്നൈയിലെ ആയിരംവിളക്ക്​ സീറ്റിൽ നിന്നും ജനവിധി തേടും.

ചെപ്പോക്ക് മണ്ഡലത്തിൽ സ്ഥാനാർഥിയാകുമെന്നായിരുന്നു ഖുശ്ബുവിന്റെ പ്രതീക്ഷ. ഇതനുസരിച്ച് ഖുശ്ബുവിന്റെ നേതൃത്വത്തില‍ പദയാത്രയും നടത്തിയിരുന്നു. എന്നാൽ പട്ടാളി മക്കൾ കക്ഷിക്കാണ് ഈ സീറ്റ് നൽകിയത്. ഖുശ്ബുവിന്റെ എതിരാളി ഉദയനിധി സ്റ്റാലിനാവുമെന്നാണ് റിപ്പോർട്ടുകൾ.