ലഖ്നൗ: അധ്യാപകന്റെ മര്ദനമേറ്റ് കുട്ടി മരിച്ച സംഭവത്തില് ഒളിവില് പോയ പ്രതിക്കെതിരെ പൊലീസ് എഫ്ഐആര് രജിസ്റ്റര് ചെയ്തു. ഗൗതം ബുദ്ധനഗറിലെ സ്വകാര്യ സ്കൂളിലെ അഞ്ചാം ക്ലാസ് വിദ്യാര്ഥിയാണ് അധ്യാപകന് സോറന്റെ മര്ദ്ദനമേറ്റ് മരിച്ചത്.
ഒക്ടോബര് ആറിന് പരീക്ഷയ്ക്ക് തയ്യാറെടുക്കാന് അധ്യാപകന് വിദ്യാര്ഥികളോട് പറഞ്ഞിരുന്നു. എന്നാല് പരീക്ഷയ്ക്ക് ശരിയായ വിധത്തില് ഉത്തരം നല്കാന് ഈ വിദ്യാര്ഥിക്ക് കഴിഞ്ഞില്ല. തുടര്ന്ന് പ്രകോപിതനായ അധ്യാപകന് വിദ്യാര്ഥിയെ തലയിലും മുതുകിലും ദയയില്ലാതെ മര്ദിക്കുകയുയായിരുന്നു. മര്ദനമേറ്റ് വിദ്യാര്ഥി ബോധരഹിതനായി നിലത്തുവീണതായും സ്കള് അധികൃതര് പറഞ്ഞു.
പരിക്കേറ്റ കുട്ടിയെ ദാദ്രിയിലെ നവീന് ആശുപത്രിയില് പ്രവേശിപ്പിച്ചെങ്കിലും വിദഗ്ധ ചികിത്സയ്ക്കായി ഡല്ഹിയിലെ ലോക് നായക് ജയ്പ്രകാശ് ആശുപത്രിയിലേക്ക് മാറ്റി. അടിയേറ്റ് കുട്ടിയുടെ തലയിലെ മൂന്ന് ഞരമ്പുകള് പൊട്ടിയതായി ഡോക്ടര്മാര് പരിശോധനയില് കണ്ടെത്തിയിരുന്നു. ഞായറാഴ്ച വൈകുന്നേരത്തോടെ ചികിത്സയിലിരിക്കെ കുട്ടി മരിച്ചു. ഒളിവില് പോയ അധ്യാപകനായി തിരച്ചില് തുടരുകയാണെന്ന് പൊലീസ് അറിയിച്ചു.
ഈ വാര്ത്ത കൂടി വായിക്കൂ നായനാര് വിട്ടില്ല; മലയാളത്തില് കത്തയച്ച് മുലായം; 'അസാധാരണ നേതാവ്'
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
