ലോക്മാന്യതിലക്- ജയ്‌നഗര്‍ എക്‌സ്പ്രസിന്റെ 10 കോച്ചുകള്‍ പാളം തെറ്റി

മുംബൈ: ലോകമാന്യതിലക് - ജയ്‌നഗര്‍ എക്‌സ്പ്രസിന്റെ പത്ത് കോച്ചുകള്‍ പാളം തെറ്റിയതായി റെയില്‍വെ. ഞായറാഴ്ച ഉച്ചയ്ക്ക് മഹാരാഷ്ട്രയിലെ നാസിക്കിന് സമീപമാണ് സംഭവം. ആര്‍ക്കും കാര്യമായ പരിക്കേറ്റിട്ടില്ലെന്നാണ് റിപ്പോര്‍ട്ടുകള്‍.

ഭുസാവല്‍ ഡിവിഷനിലെ ലഹാവിത്തിനും ദേവ്‌ലാലിക്കും ഇടയില്‍ ഉച്ചയ്ക്ക് മൂന്ന് മണിക്ക് ശേഷമാണ് അപകടമുണ്ടായത്. സംഭവം ഉണ്ടായ ഉടനെ തന്നെ മെഡിക്കല്‍ സംഘം സ്ഥലത്ത് എത്തിയതായി സെന്‍ട്രല്‍ റെയില്‍വെ അറിയിച്ചു.

അപകടത്തില്‍ യാത്രക്കാര്‍ക്ക് നിസാരമായ പരിക്കേറ്റതായി റെയില്‍വെ ഉദ്യോഗസ്ഥര്‍ അറിയിച്ചു. അപകടത്തെത്തുടര്‍ന്ന് 12617 നിസാമുദ്ദീന്‍ മംഗള എക്‌സ്പ്രസ്, 12071 ജനശതാബ്ദി എക്‌സ്പ്രസ്, 12188 ജബല്‍പൂര്‍ ഗരിബ് രഥ്, 11071 വാരണാസി എക്‌സ്പ്രസ്, തുടങ്ങിയ 5 ട്രെയിനുകള്‍  റദ്ദാക്കി.
 

ഈ വാര്‍ത്ത വായിക്കാം

ഇന്ധനം തീര്‍ന്നു, രോഗിയുമായി പോയ ആംബുലന്‍സ് നടുറോഡില്‍; പിന്നീട് സംഭവിച്ചത്