മുതിര്‍ന്ന പൗരന്മാര്‍ക്ക് ട്രെയിന്‍ നിരക്കില്‍ ഇനി ഇളവില്ല, ഭിന്നശേഷിക്കാര്‍ക്കുള്ള ആനുകൂല്യങ്ങള്‍ തുടരും 

ഷൊർണൂർ: മുതിർന്ന പൗരന്മാർക്ക് ഇനി ട്രെയിൻ യാത്ര നിരക്കിൽ ഇളവില്ല. മുതിർന്ന പൗരന്മാരുടേത് ഉൾപ്പെടെയുള്ള ട്രെയിൻ യാത്രാ നിരക്കിളവുകൾ റെയിൽവേ നിർത്തി. എന്നാൽ ഭിന്നശേഷിക്കാർ, വിദ്യാർഥികൾ എന്നിങ്ങനെയുള്ള വിഭാ​ഗങ്ങൾക്ക് ആനുകൂല്യങ്ങൾ തുടരും. 

കോവിഡ് കാലത്ത് സ്പെഷലായി ഓടിച്ചിരുന്ന ട്രെയിനുകൾ ഇപ്പോൾ സാധാരണ സർവീസ് പുനരാരംഭിച്ചു. ഭിന്നശേഷിക്കാർ, വിദ്യാർഥികൾ (തിരഞ്ഞെടുത്ത വിഭാഗങ്ങൾ) എന്നിങ്ങനെ ചിലർക്കൊഴികെ ആനുകൂല്യങ്ങൾ പുനഃസ്ഥാപിക്കേണ്ടതില്ലെന്നാണു റെയിൽവേ ബോർഡിന്റെ തീരുമാനം.

53 വിഭാഗങ്ങള്‍ക്കാണ്‌ നിരക്കിൽ ഇളവ്

53 വിഭാഗങ്ങള്‍ക്കാണ്‌ ടിക്കറ്റ് നിരക്കിൽ ഇളവ് അനുവദിച്ചിരുന്നത്. മുതിർന്ന പൗരന്മാർ, പൊലീസ് മെഡൽ ജേതാക്കൾ, ദേശീയ പുരസ്കാരം നേടിയ അധ്യാപകർ, യുദ്ധത്തിൽ മരിച്ചവരുടെ വിധവകൾ, പ്രദർശനമേളകൾക്കു പോകുന്ന കർഷകർ, കലാപ്രവർത്തകർ, കായികമേളകളിൽ പങ്കെടുക്കുന്നവർ തുടങ്ങിയവർക്കു മുൻപ് 50– 75 % ഇളവു നൽകിയിരുന്നു.