ഹൈദരബാദ്: വന്യമൃഗങ്ങളുമായി പോയ ട്രക്കുമറിഞ്ഞതിനെ തുടര്‍ന്ന് രക്ഷപ്പെട്ട മുതലകളെ സുരക്ഷിതമായി പിടികൂടി. തെലങ്കാനയില്‍ നിന്ന് ബംഗളൂരുവിലേക്ക് വന്യമൃഗങ്ങളുമായി പോയ ട്രക്കാണ് നിയന്ത്രണം വിട്ടുമറിഞ്ഞത്. ട്രക്കിലുണ്ടായിരുന്ന വന്യമൃഗങ്ങള്‍ പരിക്കില്ലാതെ രക്ഷപ്പെട്ടു. അതിനിടെ രണ്ട് മുതലകളെ കാണാതായെങ്കിലും പിന്നീട് അവയെ സുരക്ഷിതമായി പിടികൂടിയതായി ഉദ്യോഗസ്ഥര്‍ പറഞ്ഞു.
നിര്‍മല്‍ ജില്ലയിലെ മൊണ്ടിഗുട്ട ഗ്രാമത്തിന് സമീപം ഇന്ന് പുലര്‍ച്ച ഒരുമണിയോടെയാണ് അപകടം ഉണ്ടായത്. പട്‌നയിലെ സഞ്ജയ് ഗാന്ധി ബയോളജിക്കല്‍ പാര്‍ക്കില്‍ നിന്ന് ബംഗളൂരുവിലെ ബന്നാര്‍ഗട്ട നാഷണല്‍ പാര്‍ക്കിലേക്ക് വന്യമൃഗങ്ങളുമായി പോകുന്നതിനിടെയാണ് അപകടം ഉണ്ടായത്. വാഹനത്തില്‍ എട്ട് മുതലകള്‍, രണ്ട് വെള്ള ആനകള്‍, രണ്ട് കടുവകള്‍ ഉള്‍പ്പടെ മറ്റ് മൃഗങ്ങളും ഉണ്ടായിരുന്നു.
അപകടത്തിന് ശേഷം രണ്ടുമുതലകള്‍ രക്ഷപ്പെട്ടങ്കിലും അവയെ സുരക്ഷിതമായി പിടികൂടാന്‍ കഴിഞ്ഞെന്ന് പൊലീസ് സൂപ്രണ്ട് ജാനകി ശര്‍മിള പറഞ്ഞു. മറ്റ് മൃഗങ്ങളെല്ലാം വാഹനത്തില്‍ സുരക്ഷിതമായിരുന്നെന്നും സൂപ്രണ്ട് കൂട്ടിച്ചേര്‍ത്തു. അപകടത്തെ തുടര്‍ന്ന് മറ്റൊരു വാഹനത്തിലാണ് മൃഗങ്ങളെ ബംഗളൂരുവിലേക്ക് കൊണ്ടുപോയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
