റാഞ്ചി: കഴുതപ്പുലികളുടെ ആക്രമണത്തില്‍ നിന്ന് ഭര്‍ത്താവിനെ സാഹസികമായി രക്ഷപ്പെടുത്തി യുവതി. ഛത്തീസ്ഗഡിലെ കൊണ്ടഗാവ് ജില്ലയിലായിരുന്നു സംഭവം. തിങ്കളാഴ്ച വൈകീട്ട് വയലില്‍ നനയ്ക്കാനായി പോയ നന്ദുയാദവിനെ കഴുതപ്പുലികള്‍ കൂട്ടമായി ആക്രമിക്കുകയായിരുന്നു.
ഭര്‍ത്താവിന്റെ നിലവിളി കേട്ട് ഓടിയെത്തിയ സുഗ്നി അയാളെ പിടിച്ചുവലിച്ച് രക്ഷപ്പെടുത്താന്‍ ശ്രമിച്ചെങ്കിലും കഴുതപ്പുലികളുടെ ആക്രമണം തുടര്‍ന്നു. യഥാസമയം വയലില്‍ നിന്ന് കനമുള്ള ഒരു വടി ലഭിക്കുകയും കഴുതപ്പുലികളില്‍ ഒന്നിന്റെ തലയില്‍ ചാവുന്നത് വരെ അടിക്കുകയുമായിരുന്നു.
കഴുതപ്പുലിയുടെ ആക്രമണത്തില്‍ യുവാവിന്റെ അരിക്കെട്ടിനും കൈകാലുകള്‍ക്കും പരിക്കേറ്റു. ഇയാളെ സമീപത്തെ ആശുപത്രിയില്‍ പ്രവേശിപ്പിച്ചു. വനം വകുപ്പ് ഉദ്യോഗസ്ഥര്‍ ചത്ത കഴുതപ്പുലിയെ എടുത്തുകൊണ്ടുപോയി സംസ്‌കരിച്ചു
ഏതാനും മാസങ്ങള്‍ക്ക് മുന്‍പാണ് ദമ്പതികള്‍ക്ക് ഒരു കുഞ്ഞ് പിറന്നത്. നന്ദു അപകടനില തരണം ചെയ്തതായി ഡോക്ടര്‍മാര്‍ അറിയിച്ചു. ഭാര്യയുടെ ധീരതയെ നാട്ടുകാര്‍ അഭിനന്ദിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
