നാലു വയസുള്ള കുട്ടി അയൽക്കാരന്റെ വീടിന് മുന്നിൽ മൂത്രമൊഴിച്ചു ; അമ്മയെ വെട്ടിക്കൊന്നു

ന്യൂഡല്‍ഹി : നാലു വയസുള്ള മകന്‍ അയല്‍ക്കാരന്റെ വീടിനു മുന്നില്‍ മൂത്രമൊഴിച്ചതിന് അമ്മയെ വെട്ടിക്കൊന്നു. കിഴക്കന്‍ ഡല്‍ഹിയിലെ അമന്‍ വിഹാറിലാണ് സംഭവം. 33 കാരിയായ സാവിത്രി റാണയാണ് കൊല്ലപ്പെട്ടത്. 

അയല്‍വാസിയായ പ്രായപൂര്‍ത്തിയാകാത്ത കുട്ടിയാണ് സാവിത്രിയെന്ന വീട്ടമ്മയെ കൊലപ്പെടുത്തിയതെന്ന് പൊലീസ് വ്യക്തമാക്കി. ഓ​ഗസ്റ്റ് 11 ന് രാത്രി 11.30 ഓടെയാണ് പ്രതി കത്തിയുമായി വീട്ടിലെത്തി സാവിത്രിയെ ആക്രമിച്ചത്. ​ഗുരുതരമായി പരിക്കേറ്റ സാവിത്രി മരിച്ചു. 

ഏതാനും ദിവസം മുമ്പ് സാവിത്രിയുടെ മകന്‍ അടുത്ത വീടിനു മുന്നില്‍ മൂത്രമൊഴിച്ചതിനെ ചൊല്ലി വഴക്കുണ്ടായിരുന്നു. അയല്‍ക്കാരും നാട്ടുകാരും ഇടപെട്ട് വഴക്ക് അവസാനിപ്പിക്കുകയായിരുന്നു. പ്രതിയെ പൊലീസ് അറസ്റ്റ് ചെയ്തു.