ന്യൂഡല്‍ഹി: അനുവാദമില്ലാതെ ടോയ്‌ലെറ്റില്‍ കയറിയതുമായി ബന്ധപ്പെട്ട തര്‍ക്കത്തെ തുടര്‍ന്ന് ഒരു സംഘം ആളുകളുമായുളള അടിപിടിയില്‍ നിലത്തുവീണ് തുടയില്‍ മദ്യക്കുപ്പി തറച്ചുകയറി യുവാവിന് ദാരുണാന്ത്യം. മദ്യക്കുപ്പി തുടയില്‍ തറച്ചുകയറി രക്തം വാര്‍ന്നൊലിച്ച യുവാവിനെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
ഡല്‍ഹി ന്യൂ അശോക് നഗറില്‍ വെളളിയാഴ്ച രാത്രിയാണ് സംഭവം. കൂട്ടുകാരനെ കാണാന്‍ കെട്ടിടത്തില്‍ എത്തിയതാണ് 25കാരനെന്ന് പൊലീസ് പറയുന്നു. കൂട്ടുകാരനൊപ്പം ടെറസില്‍ ഇരുന്ന് മദ്യപിച്ച ശേഷം വീട്ടിലേക്ക് തിരിച്ചുപോകുന്ന വഴിയാണ് ആക്രമണം ഉണ്ടായത്. കെട്ടിടത്തിന്റെ താഴത്തെ നിലയില്‍ എത്തിയ മനീഷ് യാദവ് ടോയ്‌ലെറ്റില്‍ കയറിയതാണ് പ്രശ്‌നങ്ങള്‍ക്ക് കാരണം. അനുവാദമില്ലാതെ ടോയ്‌ലെറ്റില്‍ കയറിയത് ചോദ്യം ചെയ്യുകയും ഇത് അടിപിടിയില്‍ കലാശിക്കുകയുമായിരുന്നു.
യാദവ് ടോയ്‌ലെറ്റില്‍ കയറുന്നത് ശ്രദ്ധയില്‍പ്പെട്ട താഴത്തെ നിലയിലെ ഒരു സ്ത്രീ ഒച്ചവെച്ചു. ഇതുകേട്ട് ഓടിയെത്തിയ പ്രദേശവാസികളാണ് യാദവിനെ ആക്രമിച്ചത്. അഞ്ചോ ആറോ പേര്‍ ചേര്‍ന്ന് യാദവിനെ ആക്രമിക്കുന്നത് സിസിടിവി ദൃശ്യങ്ങളില്‍ വ്യക്തമാണ്. അടിപിടിക്കിടെ, യാദവ് നിലത്തുവീണു. പോക്കറ്റിലുണ്ടായിരുന്ന മദ്യക്കുപ്പി പൊട്ടി തുടയില്‍ തറച്ചുകയറിയതാണ് മരണകാരണമെന്ന് പൊലീസ് പറയുന്നു.
ഇടത് തുടയിലാണ് മദ്യക്കുപ്പി തറച്ചുകയറിയത്. തുടര്‍ന്ന് രക്തം വാര്‍ന്നൊഴുകി.ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പ്രതികള്‍ക്കെതിരെ കുറ്റകരമായ നരഹത്യക്ക് കേസെടുത്ത് അന്വേഷണം ആരംഭിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
