അവിഹിത ബന്ധത്തിന് 9 കാരൻ തടസം; കാമുകൻ പ്രകൃതി വിരുദ്ധപീഡനത്തിന് ഇരയാക്കി; അമ്മയ്ക്ക് 13 വർഷം തടവ്

ഹൈദരബാദ്:  ഒമ്പത്​ വയസുകാരനായ  മകനെ കാമുകൻ പ്രകൃതി വിരുദ്ധമായി പീഡിപ്പാക്കൻ  അവസരമൊരുക്കിയ അമ്മക്ക്​ 13 വർഷം തടവ്​. കുട്ടിയുടെ അച്​ഛൻെറ പരാതിയിൽ രജിസ്​റ്റർ ചെയ്​ത കേസിലാണ്​ നടപടി. ഹൈദരാബാദ്​ മെട്രോപൊളിറ്റൻ സെഷൻസ്​ കോടതിയാണ്​ ശിക്ഷവിധിച്ചത്​.

ഒമ്പത്​ വയസുകാരനെ പ്രകൃതി വിരുദ്ധമായി പീഡിപ്പിച്ച ഫായിസ്​ മെഹ്​മൂദ്​ അൻസാരിക്ക്​ 10 വർഷം തടവും കോടതി വിധിച്ചു. കുട്ടിയെ അമ്മയുടെ കാമുകൻ പ്രകൃതി വിരുദ്ധമായി പീഡിപ്പിക്കുകയും മർദിക്കുകയും ചെയ്​തുവെന്നാണ്​ പിതാവിൻെറ പരാതിയിൽ പറയുന്നത്​. അമ്മയുടെ വഴിവിട്ട ബന്ധം മകൻ അറിഞ്ഞതാണ്​ പ്രകോപനത്തിനുള്ള കാരണം. മകനെ കൊല്ലാൻ അമ്മയും കാമുകനും പദ്ധതി തയാറാക്കിയതായും പൊലീസ്​ കുറ്റപത്രത്തിലുണ്ട്​. 

2013വരെ ഭർത്താവിനൊപ്പമായിരുന്ന ഇവർ നാട്ടിൽ തിരിച്ചെത്തിയതിന്​ ശേഷമാണ്​ കാമുകനുമായി ബന്ധം സ്ഥാപിച്ചത്​. ഇത്​ മകൻ ചോദ്യം ചെയ്​തതോടെയാണ്​ കുട്ടിക്കെതിരെ ഇവർ ശാരീരിക പീഡനം തുടങ്ങിയത്​.