'അവർ രാമ നാമം ജപിച്ചിരിക്കട്ടെ, താങ്കൾ സ്വയം രാമനാകു'; ശ്രീരാമനായി രാഹുൽ ​ഗാന്ധി

പട്ന: രാജ്യം തെരഞ്ഞെടുപ്പ് ചൂടിലേക്ക് കടക്കവേ കോൺ​ഗ്രസ് അധ്യക്ഷൻ രാഹുൽ ​ഗാന്ധിയെ രാമനായി ചിത്രീകരിച്ച് കോണ്‍ഗ്രസിന്റെ പോസ്റ്റർ. ബീഹാറിൽ കോൺ​ഗ്രസിന്റെ മെ​ഗാ റാലിക്ക് മുന്നോടിയായിട്ട് പതിച്ച പോസ്റ്ററിലാണ് രാഹുലിനെ രാമനായി ചിത്രീകരിച്ചുള്ള പോസ്റ്റർ പുറത്തിറക്കിയിരിക്കുന്നത്. ഫെബ്രുവരി മൂന്നിനാണ് മെ​ഗാ റാലി.

'അവർ രാമ നാമം ജപിച്ചിരിക്കട്ടെ, താങ്കൾ സ്വയം രാമനാകു' എന്ന വാചകവും പോസ്റ്ററിലുണ്ട്. ശ്രീരാമന്റെ തലയുടെ സ്ഥാനത്ത് ​രാഹുൽ ​ഗാന്ധിയുടെ തല പതിപ്പിച്ചാണ് പോസ്റ്ററുകള്‍ പ്രത്യക്ഷപ്പെട്ടിരിക്കുന്നത്.  

സോണിയ ഗാന്ധിയും പ്രിയങ്ക ഗാന്ധിയും മന്‍മോഹന്‍ സിങും ഉള്‍പ്പടെയുള്ള കോൺ​ഗ്രസിന്റെ ദേശീയ നേതാക്കളും സംസ്ഥാന നേതാക്കളും പാര്‍ലമെന്റിന്റെ പശ്ചാത്തലത്തിലുള്ള പോസ്റ്ററിലുണ്ട്. നേരത്തെ രാമനായി രാഹുലിനേയും രാവണനായി മോദിയേയും ചിത്രീകരിച്ച് രാജസ്ഥാനിലും കോൺ​ഗ്രസ് പോസ്റ്റർ പുറത്തിറക്കിയിരുന്നു.