ന്യൂഡല്ഹി: സാമ്പത്തിക ശാസ്ത്രത്തിനുള്ള നൊബേല് സമ്മാനം നേടിയ അഭിജിത് ബാനര്ജിയുടെ നേട്ടങ്ങളില് ഇന്ത്യ അഭിമാനിക്കുന്നതായി പ്രധാനമന്ത്രി നരേന്ദ്രമോദി. അഭിജിത് ബാനര്ജിയുമായുള്ള കൂടിക്കാഴ്ചയ്ക്ക് ശേഷം ട്വിറ്ററിലായിരുന്നു മോദിയുടെ പ്രതികരണം. ഡല്ഹിയില് പ്രധാനമന്ത്രിയുടെ വസതിയിലായിരുന്നു ഇരുവരും തമ്മില് കൂടിക്കാഴ്ച നടത്തിയത്.
അഭിജിത് ബാനര്ജിയുമായുള്ള കൂടിക്കാഴ്ച ആരോഗ്യകരവും സമഗ്രവും ആയിരുന്നെന്ന് പ്രധാനമന്ത്രി അഭിപ്രായപ്പെട്ടു. മാനവ ശാക്തീകരണത്തോടുള്ള അദ്ദേഹത്തിന്റെ അഭിനിവേശം വ്യക്തമാണ്. അദ്ദേഹത്തിന്റെ നേട്ടങ്ങളില് ഇന്ത്യ അഭിമാനിക്കുന്നു. അഭിജിത് മുഖര്ജിയുടെ ഭാവി പരിപാടികള്ക്ക് ആശംസകള് നേരുന്നതായും മോദി മോദി ട്വിറ്ററില് കുറിച്ചു.
നേരത്തെ അഭിജിത് ബാനര്ജിയെ വിമര്ശിച്ച് കേന്ദ്രമന്ത്രി പിയൂഷ് ഗോയല് അടക്കമുള്ളവര് രംഗത്തുവന്നിരുന്നു. ഈ പശ്ചാത്തലത്തിലാണ് പ്രധാനമന്ത്രിയുമായുള്ള കൂടിക്കാഴ്ച.
നൊബേല് സമ്മാനത്തിന് അര്ഹനായശേഷം ആദ്യമായാണ് അഭിജിത് ബാനര്ജി ഇന്ത്യയിലെത്തുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
