മുംബൈ: വ്യാജ ഇന്‍സ്റ്റഗ്രാം അക്കൗണ്ടുകള്‍ ഉപയോഗിച്ച് നിരന്തരം അശ്ലീല സന്ദേശങ്ങള്‍ അയച്ചിരുന്ന 19കാരനെ ക്രൈം ബ്രാഞ്ച് ഉദ്യോഗസ്ഥര്‍ അറസ്റ്റ് ചെയ്തു. 21കാരിയായ യുവതിയുടെ പരാതിയെത്തുടര്‍ന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്. പരാതിക്കാരിയുടെ ബന്ധുവാണ് അറസ്റ്റിലായ കോളെജ് വിദ്യാര്‍ത്ഥി.
കഴിഞ്ഞ വര്‍ഷം ഒക്ടോബര്‍ മുതല്‍ പരിചയമില്ലാത്ത ഇന്‍സ്റ്റഗ്രാം അക്കൗണ്ടുകളില്‍ നിന്ന് തനിക്ക് മോശം സന്ദേശങ്ങള്‍ അയക്കുന്നെന്ന് ചൂണ്ടിക്കാട്ടിയായിരുന്നു യുവതിയുടെ പരാതി. പ്രതി 20തോളം വ്യാജ ഇന്‍സ്റ്റഗ്രാം അക്കൗണ്ടുകള്‍ ഉണ്ടാക്കിയിരുന്നെന്നും പരാതിക്കാരി ഓരോ അക്കൗണ്ടുകളും ബ്ലോക്ക് ചെയ്യുമ്പോള്‍ പുതിയത് തുടങ്ങുകയായിരുന്നെന്നും പൊലീസ് പറഞ്ഞു.
പ്രതിയെ നിര്‍മല്‍ നഗല്‍ പൊലീസ് സ്റ്റേഷനിലേക്ക് കൈമാറിയെന്നും ഐപിസി 354(d), 506,509 എന്നീ വകുപ്പുകള്‍ ചുമത്തി കേസെടുത്തെന്നും ക്രൈം ബ്രാഞ്ച് ഉദ്യോഗസ്ഥര്‍ അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
