റായ്ബറേലി: ഉത്തര്‍പ്രദേശിലെ റായ്ബറേലിയില്‍ ഉണ്ടായ വന്‍ സ്‌ഫോടനത്തില്‍ മരണസംഖ്യ ഉയര്‍ന്നു. സ്‌ഫോടനത്തില്‍ 12 പേര്‍ മരിച്ചതായി പ്രിന്‍സിപ്പല്‍ സെക്രട്ടറി അരവിന്ദ് കുമാര്‍ അറിയിച്ചു. 100 ലധികം പേര്‍ക്ക് പരുക്കേറ്റിട്ടുണ്ട്. ഇവരില്‍ ചിലരുടെ നില ഗുരുതരമാണെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. പൊതുമേഖല സ്ഥാപനമായ എന്‍ടിപിസിയുടെ 500 മെഗാവാട്ട് ബോയിലര്‍ യൂണിറ്റിലാണ് അപകടം ഉണ്ടായത്.
അപകടകാരണം വ്യക്തമല്ല. രക്ഷാദൗത്യം പുരോഗമിക്കുകയാണ്. മൂന്നുദിവസത്തെ മൗറീഷ്യസ് പര്യടനത്തിന് ഇന്ത്യയില്‍ നിന്നും തിരിച്ച ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് , രക്ഷാപ്രവര്‍ത്തനത്തിനും ആശ്വാസ നടപടികള്‍ക്കുമായി അടിയന്തര ഇടപെടല്‍ നടത്താന്‍ ബന്ധപ്പെട്ട ഉദ്യോഗസ്ഥരോട് ആവശ്യപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
