മുംബൈ: നടിയും കോണ്ഗ്രസ് സ്ഥാനാര്ത്ഥിയുമായ ഊര്മിള രാഷ്ട്രീയത്തില് വട്ടപൂജ്യമാണെന്ന് പരിഹസിച്ച് ബിജെപി സ്ഥാനാര്ത്ഥി.
ഇവരെ കാണാനുളള ആകാംക്ഷ കൊണ്ടാണ് ഊര്മിളയുടെ പൊതുപരിപാടിയില് ആളുകള് തടിച്ചുകൂടുന്നത്. വോട്ടുചെയ്യാന് പോകുമ്പോള് അവരുടെ പ്രവര്ത്തനമാണ് വോട്ടര്മാര് നോക്കുകയെന്നും ബിജെപി നേതാവും മുംബൈ നോര്ത്ത് മണ്ഡലത്തില് ഊര്മിളയുടെ എതിര് സ്ഥാനാര്ത്ഥിയുമായ ഗോപാല് ഷെട്ടി പറഞ്ഞു.
സിനിമ നടനായ ഗോവിന്ദയുടെ വിജയം അനുഭവമായി കണ്ടാണ് ഊര്മിള രാഷ്ട്രീയത്തില് ഇറങ്ങിയിരിക്കുന്നത്. എന്നാല് അവര് എട്ടും പൊട്ടും തിരിയാത്തവള് എന്ന അര്ത്ഥമുളള 'ബോലി ബാലി ലഡ്കി' ആണ്. ഊര്മിള രാഷ്ട്രീയത്തില് വട്ടപൂജ്യമാണെന്നും ഗോപാല് ഷെട്ടി പരിഹസിച്ചു.
ദിവസങ്ങള്ക്ക് മുന്പാണ് ഊര്മിള കോണ്ഗ്രസില് ചേര്ന്നത്. കോണ്ഗ്രസ് അധ്യക്ഷന് രാഹുല് ഗാന്ധിയുടെ സാന്നിധ്യത്തിലായിരുന്നു രാഷ്ട്രീയ പ്രവേശനം. ഊര്മിളയുടെ കടന്നുവരവ് മുംബൈ നോര്ത്ത് പിടിച്ചെടുക്കാന് സഹായിക്കുമെന്നാണ് കോണ്ഗ്രസ് വിലയിരുത്തല്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
