ചെന്നൈ: ബിജെപിയുടെ നേതൃത്വത്തിലുളള എന്‍ഡിഎ മുന്നണി വീണ്ടും കേന്ദ്രത്തില്‍ അധികാരത്തില്‍ വരുമെന്ന് പ്രവചിച്ച എക്‌സിറ്റ് പോള്‍ ഫലങ്ങള്‍ നുണയാണെന്ന് ബിജെപി സഖ്യകക്ഷിയായ എഐഎഡിഎംകെ നേതാവും തമിഴ്‌നാട് മുഖ്യമന്ത്രിയുമായ ഇ പളനിസ്വാമി. ലോക്‌സഭ തെരഞ്ഞെടുപ്പില്‍ ഹിന്ദി ഹൃദയഭൂമിയില്‍ ബിജെപി മിന്നുന്ന വിജയം നേടുമെന്ന് എക്‌സിറ്റ് പോള്‍ ഫലങ്ങള്‍ സൂചന നല്‍കുമ്പോള്‍ തന്നെ ദക്ഷിണേന്ത്യയില്‍ അത്ര ശുഭമല്ലെന്നാണ് പ്രവചനം. തമിഴ്‌നാട്ടില്‍ ഡിഎംകെയുടെ നേതൃത്വത്തിലുളള സഖ്യം വിജയിക്കുമെന്നാണ് എക്‌സിറ്റ് പോള്‍ ഫലങ്ങള്‍ പറയുന്നത്. ഈ പശ്ചാത്തലത്തിലാണ് എഐഎഡിഎംകെ നേതാവായ പളനിസ്വാമിയുടെ പ്രതികരണം.
തമിഴ്‌നാട്ടില്‍ ഡിഎംകെ സഖ്യം വമ്പിച്ച മുന്നേറ്റം കാഴ്ച വെയ്ക്കുമെന്ന് പറഞ്ഞ എക്‌സിറ്റ് പോള്‍ ഫലങ്ങള്‍ നുണയാണെന്ന് പളനിസ്വാമി പറഞ്ഞു. 39ല്‍ 27 സീറ്റുകളും ഡിഎംകെ സഖ്യം നേടുമെന്നാണ് ഒരു എക്‌സിറ്റ് പോള്‍ ഫലം പ്രവചിക്കുന്നത്.മറ്റൊരിടത്ത് ഇത് 34 വരെ പോകാമെന്നും
കണക്കുകൂട്ടുന്നു.ഇത് തമിഴ്‌നാട്ടില്‍ ബിജെപിയുടെ സഖ്യകക്ഷിയായ എഐഎഡിഎംകെയെ ആശങ്കപ്പെടുത്തുന്നതാണ്. ഈ പശ്ചാത്തലത്തിലാണ് എക്‌സിറ്റ് പോള്‍ ഫലങ്ങളെ പളനിസ്വാമി തളളിപ്പറഞ്ഞത്.
എഐഎഡിഎംകെ സഖ്യം 39 സീറ്റുകളിലും വിജയിക്കുമെന്ന് പളനിസ്വാമി പറഞ്ഞു. 2014ല്‍ ജയലളിതയുടെ നേതൃത്വത്തില്‍ 37 സീറ്റുകളും എഐഎഡിഎംകെ തൂത്തുവാരിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
