ഇംഫാല്‍: മണിപ്പൂരിലെ രാഷ്ട്രീയ അനശ്ചിതത്വത്തിന് വിരാമാം. തിങ്കളാഴ്ച നടന്ന വിശ്വസവോട്ടെടുപ്പില്‍ ബിരേന്‍ സിങ് സര്‍ക്കാര്‍ ഭൂരിപക്ഷം തെളിയിച്ചു. പതിനാറിനെതിരെ 28 വോട്ടുകള്‍ ബിജെപി നേടി. എട്ട് കോണ്‍ഗ്രസ് എംഎല്‍എമാര്‍ സഭയിലെത്തിയില്ല.
്അവിശ്വാസപ്രമേയത്തിനെതിരെ വോട്ട് ചെയ്യണമെന്ന് കോണ്‍ഗ്രസ് അംഗങ്ങള്‍ക്ക് വിപ്പ് നല്‍കിയിരുന്നു. സഭാ സമ്മേളനം അവസാനിക്കുന്നതുവരെ അംഗങ്ങള്‍ സഭയിലുണ്ടാകണമെന്നും കോണ്‍ഗ്രസ് ആവശ്യപ്പെട്ടിരുന്നു.
അറുപത് അംഗ നിയമസഭയില്‍, മൂന്ന് എംഎല്‍എമാരുടെ രാജിക്കും നാല് എംഎല്‍എമാരെ അയോഗ്യരാക്കിയതിനെയും തുടര്‍ന്നാണ് വിശ്വാസ വോട്ടെടുപ്പ് നടന്നത്. ജൂലൈ 28നാണ് ബിരേന്‍ സിങ് സര്‍ക്കാരിന് എതിരെ കോണ്‍ഗ്രസ് അവിശ്വാസ പ്രമേയം കൊണ്ടുവന്നത്.
ജൂണ്‍ 17ന് ആറ് എംഎല്‍എമാര്‍ സര്‍ക്കാരിനുള്ള പിന്തുണ പിന്‍വലിച്ചതോടെയാണ് മണിപ്പൂരില്‍ രാഷ്ട്രീയ പ്രതിസന്ധി ഉടലെടുത്തത്. ബിജെപി നേതൃത്വവുമായി ഡല്‍ഹിയില്‍ നടത്തിയ ചര്‍ച്ചയ്ക്ക് ശേഷം ചില എംഎല്‍എമാര്‍ സര്‍ക്കാര്‍ പക്ഷത്തേക്ക് തിരിച്ചെത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
