ഭുവനേശ്വര്‍ : ഒഡീഷയില്‍ നവീന്‍ പട്‌നായിക് സര്‍ക്കാര്‍ തുടരും. ലോക്‌സഭ തെരഞ്ഞെടുപ്പിനൊപ്പം നിയമസഭ തെരഞ്ഞെടുപ്പ് നടന്ന ഒഡീഷയില്‍ മുഖ്യമന്ത്രി നവീന്‍ പട്‌നായിക്കിന്റെ ബിജു ജനതാദള്‍ മികച്ച കുതിപ്പ് തുടരുകയാണ്. ബിജെഡി ഇപ്പോള്‍ 103 സീറ്റില്‍ ലീഡ് തുടരുകയാണ്.
27 സീറ്റില്‍ ലീഡുമായി ബിജെപിയാണ് തൊട്ടുപിന്നിലുള്ളത്. കോണ്‍ഗ്രസിന് 14 സീറ്റിലാണ് ലീഡ് നേടാനായത്. മറ്റുള്ളവര്‍ മൂന്ന് സീറ്റിലും ലീഡ് ചെയ്യുകയാണ്. ഒഡീഷ നിയമസഭയില്‍ 147 സീറ്റുകളാണുള്ളത്. 74 സീറ്റുകളാണ് കേവല ഭൂരിപക്ഷം നേടാന്‍ ആവശ്യമായിട്ടുള്ളത്.
തുടര്‍ച്ചയായ അഞ്ചാം തവണയാണ് നവീന്‍ പട്‌നായിക് ഒഡീഷ മുഖ്യമന്ത്രിയായി തെരഞ്ഞെടുക്കപ്പെടുന്നത്. ഒഡീഷ മുന്‍ മുഖ്യമന്ത്രി ബിജു പട്‌നായികിന്റെ മരണത്തെ തുടര്‍ന്ന് 2000 ലാണ് നവീന്‍ പട്‌നായിക് സജീവ രാഷ്ട്രീയത്തിലിറങ്ങുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
