ഭോപ്പാല്‍: മധ്യപ്രദേശില്‍ ആറു വയസുകാരിയെ തട്ടിക്കൊണ്ടുപോയി ബലാത്സംഗത്തിന് ഇരയാക്കി. അക്രമികള്‍ കുട്ടിയുടെ കണ്ണുകള്‍ ചൂഴ്‌ന്നെടുത്തതായും പൊലീസ് പറഞ്ഞു. ഗുരുതരമായി പരിക്കേറ്റ കുട്ടിയെ ആശുപത്രിയില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചു. രാജ്യത്ത് കോവിഡ് വ്യാപനം തടയുന്നതിന് പ്രഖ്യാപിച്ച ലോക്ക്ഡൗണ്‍ പുരോഗമിക്കുന്നതിനിടെയാണ് ഞെട്ടിക്കുന്ന സംഭവം.
മധ്യപ്രദേശിലെ ദാമോയില്‍ കഴിഞ്ഞ ദിവസമാണ് സംഭവം. കൂട്ടുകാരുമായി കളിച്ചു കൊണ്ടിരിക്കുമ്പോഴാണ് കുട്ടിയെ തട്ടിക്കൊണ്ടുപോയത്. അജ്ഞാതന്‍ തട്ടിക്കൊണ്ടുപോയ കുട്ടിയെ ഇന്ന് രാവിലെയാണ് ക്രൂരമായി പീഡിപ്പിക്കപ്പെട്ട നിലയില്‍ കണ്ടെത്തിയത്.
ആറു വയസുകാരി ബലാത്സംഗത്തിന് ഇരയായതായും കണ്ണുകള്‍ക്ക് ഗുരുതരമായി പരിക്കേറ്റതായും പൊലീസ് ഉദ്യോഗസ്ഥന്‍ ഹേമന്ദ് സിങ് ചൗഹാന്‍ പറഞ്ഞു. സംശയം തോന്നിയ നിരവധിപ്പേരെ ചോദ്യം ചെയ്തതായും ഇതില്‍ നിന്ന് പ്രതിയെ പിടികൂടുന്നതിനുളള തുമ്പ് ലഭിച്ചതായും പൊലീസ് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
