ന്യൂഡല്‍ഹി: ജസ്റ്റിസ് കര്‍ണന്റെ അഭിഭാഷകനോട് പൊട്ടിത്തെറിച്ച് സുപ്രീംകോടതി. കര്‍ണന്റെ ഹര്‍ജി വേഗത്തില്‍ പരിഗണിക്കണമെന്ന അഭിഭാഷകന്റെ ആവശ്യം തള്ളിക്കൊണ്ടായിരുന്നു സുപ്രീംകോടതിയുടെ വിമര്‍ശനം.
എല്ലാ ദിവസവും കേസിനെ കുറിച്ച് പരാമര്‍ശിച്ചാല്‍ നടപടി നേരിടേണ്ടി വരുമെന്നും കോടതി മുന്നറിയിപ്പ് നല്‍കി. കോടതിയില്‍ ഇത്തരം പ്രസ്താവനകള്‍ നടത്തരുതെന്നും ചീഫ് ജസ്റ്റിസ് ജെ.എസ്.ഖേഹര്‍ പറഞ്ഞു. പ്രസ്താവന മാധ്യമങ്ങളോട് മതി. അപേക്ഷ ഫയല്‍ ചെയ്താല്‍ പരിഗണിക്കാമെന്നും സുപ്രീംകോടതി വ്യക്തമാക്കി.
കോടതിയലക്ഷ്യത്തില്‍ വിധിച്ച ആറ് മാസത്തെ തടവ് ശിക്ഷ പിന്‍വലിക്കണമെന്ന് ആവശ്യപ്പെട്ടുള്ള അപേക്ഷ കോടതിയുടെ ശ്രദ്ധയില്‍പ്പെടുത്താനായിരുന്നു അഭിഭാഷകന്റെ ശ്രമം.മുത്തലാഖില്‍ സുപ്രീംകോടതിയില്‍ വാദം നടക്കവെയായിരുന്നു ഇത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
