ന്യൂഡല്ഹി: കുല്ഭൂഷണ് ജാദവ് കേസില് അന്താരാഷ്ട്ര നീതിന്യായ കോടതി ജൂലയ് 17ന് വിധി പറയും. മുമ്പ് നാവികസേനാ ഉദ്യോഗസ്ഥനായിരുന്ന കുല്ഭൂഷണ് ജാദവിന് പാക് സൈനിക കോടതി വധശിക്ഷ വിധിച്ചതിനെതിരെ ഇന്ത്യ നല്കിയ ഹര്ജിയിലാണ് കോടതി വിധി പറയുന്നത്.
ചാരവൃത്തി ആരോപിച്ച് അറസ്റ്റ് ചെയ്ത കുല്ഭൂഷണ് ജാദവിന് 2017 ഏപ്രിലിലാണ് പാകിസ്ഥാന് കോടതി വധശിക്ഷയ്ക്ക് വിധിച്ചത്. ഇതിനെതിരെ ഇന്ത്യ അന്താരാഷ്ട്ര നീതിന്യായ കോടതിയെ സമീപിക്കുകയായിരുന്നു. തുടര്ന്ന് 2017 മെയ് 18ന് കുല്ഭൂഷണ് ജാദവിന്റെ വധശിക്ഷ നടപ്പിലാക്കുന്നത് കോടതി തടഞ്ഞിരുന്നു. ഇതിനുശേഷമാണ് കേസില് വാദം കേട്ടത്.
കുല്ഭൂഷണ് ജാദവിന്റെ കേസില് പാക് കോടതി നടപടികള് പാലിച്ചില്ലെന്നും ഇത് അന്താരാഷ്ട്ര പെരുമാറ്റച്ചട്ടങ്ങളുടെ ലംഘനമാണെന്നും ആയിരുന്നു ഇന്ത്യയുടെ വാദം. ശരിയായ വിചാരണ കൂടാതെയാണ് പാകിസ്ഥാന് കുല്ഭൂഷണ് ജാദവിനെ ശിക്ഷിച്ചതെന്നും അദ്ദേഹത്തെ മോചിപ്പിക്കണമെന്നും ഇന്ത്യ അന്താരാഷ്ട്ര കോടതിയില് വാദിച്ചിരുന്നു. മുന് സോളിസിറ്റര് ജനറലായ ഹരീഷ് സാല്വെയാണ് ഇന്ത്യയ്ക്ക് വേണ്ടി അന്താരാഷ്ട്ര കോടതിയില് ഹാജരായത്. 2019 ഫെബ്രുവരി മാസത്തില് നടന്ന വാദംകേള്ക്കല് നാലുദിവസം നീണ്ടുനിന്നിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
