കേന്ദ്ര സാംസ്‌കാരിക മന്ത്രി പ്രഹ്ലാദ് പട്ടേലിന് കോവിഡ്, നിരീക്ഷണത്തില്‍

ന്യൂഡല്‍ഹി : കേന്ദ്ര സാംസ്‌കാരിക, ടൂറിസം വകുപ്പ് മന്ത്രി പ്രഹ്ലാദ് സിങ് പട്ടേലിന് കോവിഡ് സ്ഥിരീകരിച്ചു. മന്ത്രി തന്നെയാണ് ട്വിറ്ററിലൂടെ ഇക്കാര്യം അറിയിച്ചത്. 

ഇന്നലെ രാത്രി കൊറോണ പോസിറ്റീവ് റിപ്പോര്‍ട്ട് ലഭിച്ചു. ചൊവ്വാഴ്ച തന്നെ സന്ദര്‍ശിച്ച ആളുകള്‍ ജാഗ്രത പാലിക്കണമെന്നും, നിരീക്ഷണത്തില്‍ കഴിയണമെന്നും മന്ത്രി നിര്‍ദേശിച്ചു. 

കേന്ദ്ര ഉപരിതല ഗതാഗതമന്ത്രി നിതിന്‍ ഗഡ്കരിക്ക് ഇന്നലെ കോവിഡ് സ്ഥിരീകരിച്ചിരുന്നു. കേന്ദ്ര ആഭ്യന്തരമന്ത്രി അമിത് ഷാ കോവിഡ് മുക്തനായെങ്കിലും ശാരീരിക അവശതകള്‍ അലട്ടുന്നതായാണ് റിപ്പോര്‍ട്ട്.