ന്യൂഡല്ഹി : കോവിഡ് രോഗവ്യാപനത്തിന്റെ ആശങ്കയ്ക്കിടെ ഉംപുണ് ചുഴലിക്കാറ്റ് ഇന്ത്യന് തീരത്തേക്ക് അടുക്കുന്നു. സൂപ്പര് സൈക്ലോണ് ആയി മാറുന്ന ഉംപുണ് ബുധനാഴ്ച ബംഗാള് തീരം തൊടുമെന്നാണ് കാലാവസ്ഥ വകുപ്പ് അറിയിച്ചിട്ടുള്ളത്. മണിക്കൂറില് 200 കിലോമീറ്ററിലേറെ വേഗതയില് കാറ്റു വീശാന് സാധ്യതയുണ്ടെന്നാണ് മുന്നറിയിപ്പ്.
ഉംപുണ് ചുഴലിക്കാറ്റിന്റെ പശ്ചാത്തലത്തില് പ്രധാനമന്ത്രി നരേന്ദ്രമോദി വിളിച്ചുചേര്ത്ത ഉന്നതതലയോഗം ഇന്ന് വൈകീട്ട് നടക്കും. വൈകീട്ട് നാലിനാണ് യോഗം. ആഭ്യന്തരമന്ത്രി അമിത് ഷാ, ആഭ്യന്തരമന്ത്രാലയ ഉദ്യോഗസ്ഥര്, ദേശീയ ദുരന്ത നിവാരണ അതോറിട്ട് ഉദ്യോഗസ്ഥര് തുടങ്ങിയവര് യോഗത്തില് സംബന്ധിക്കും.
ഉംപുൺ എന്ന ചുഴലിക്കാറ്റ് ഇന്ന് വൈകിട്ടോടെ സൂപ്പർ സൈക്ലോണായി മാറുമെന്ന് കേന്ദ്ര കാലാവസ്ഥാ നിരീക്ഷണകേന്ദ്രം. പ്രതീക്ഷിച്ചതിലും വേഗത്തിൽ, അതിശക്തമായി ഇന്ത്യൻ തീരത്തേക്ക് ഉംപുൺ നീങ്ങിക്കൊണ്ടിരിക്കുകയാണെന്നാണ് കണക്കുകൂട്ടൽ. നിലവിൽ മണിക്കൂറിൽ 260 കിലോമീറ്ററാണ് കടലിൽ ഉംപുണിന്റെ വേഗത. ഒഡിഷ, പശ്ചിമബംഗാൾ തീരങ്ങളിൽ കനത്ത ജാഗ്രതയാണ് ഏർപ്പെടുത്തിയിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
