ന്യൂഡല്‍ഹി: രാജ്യത്ത് കോവിഡ് രോഗമുക്തി നിരക്ക് 90 ശതമാനമായതായി കേന്ദ്ര ആരോഗ്യമന്ത്രാലയം. 24 മണിക്കൂറിനിടെ 62,077 പേരാണ് രോഗമുക്തി നേടിയത്. ഇന്നലെ 50,129 പേര്‍ക്കാണ് രോഗബാധ കണ്ടെത്തിയത്. ഇതോടെ മൊത്തം രോഗമുക്തരുടെ എണ്ണം 70,78,123 ആയി ഉയര്‍ന്നതായി കേന്ദ്ര ആരോഗ്യമന്ത്രാലയം കണക്കുകള്‍ വ്യക്തമാക്കുന്നു.
നിലവില്‍ ചികിത്സയിലുളളവരും രോഗമുക്തരും തമ്മിലുളള വ്യത്യാസം 64 ലക്ഷം കടന്നിരിക്കുകയാണ്. മൊത്തം കോവിഡ് ബാധിതരുടെ 8.50 ശതമാനമാണ് ചികിത്സയിലുളളവര്‍. ചികിത്സയിലുളളവരുടെ എണ്ണം ഏഴു ലക്ഷത്തില്‍ താഴെ എത്തി. നിലവില്‍ 6,68,154 പേരാണ് ചികിത്സയില്‍ കഴിയുന്നതെന്ന് സര്‍ക്കാര്‍ കണക്കുകള്‍ വ്യക്തമാക്കുന്നു.
മരണനിരക്കും കുറയുകയാണ്. കഴിഞ്ഞ ഒരാഴ്ചയായി ആയിരത്തില്‍ താഴെയാണ് പ്രതിദിനം രേഖപ്പെടുത്തുന്ന മരണസംഖ്യ. ഒക്ടോബര്‍ രണ്ടുമുതല്‍ 1100ല്‍ താഴെയാണിതെന്നും സര്‍ക്കാര്‍ കണക്കുകള്‍ വ്യക്തമാക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
