ഗോവ മുഖ്യമന്ത്രി മനോഹർ പരീക്കർ ​ഗുരുതരാവസ്ഥയിൽ ; പകരക്കാരനെ തേടി ബിജെപി

പനാജി:  ഗോ​വ മു​ഖ്യ​മ​ന്ത്രി മ​നോ​ഹ​ർ പ​രീ​ക്ക​റു​ടെ ആ​രോ​ഗ്യ​നി​ല വ​ള​രെ മോ​ശ​മാ​ണെ​ന്ന് ഡെ​പ്യൂ​ട്ടി സ്പീ​ക്ക​ർ മൈ​ക്ക​ൾ ലോ​ബോ. ഞാ​യ​റാ​ഴ്ച മാ​ധ്യ​മ​ങ്ങ​ളോ​ടു സം​സാ​രി​ക്ക​വെ​യാ​ണ് ലോ​ബോ ഇ​ക്കാ​ര്യം അ​റി​യി​ച്ച​ത്. മ​നോ​ഹ​ർ പ​രീ​ക്ക​റി​നു പ​ക​ര​ക്കാ​ര​നെ ക​ണ്ടെ​ത്തു​മെ​ന്നും അ​ദ്ദേ​ഹം അ​റി​യി​ച്ചു. 

ഞാ​യ​റാ​ഴ്ച രാ​വി​ലെ ഇ​തി​നാ​യി മു​തി​ർ​ന്ന ബി​ജെ​പി നേ​താ​ക്ക​ൾ യോ​ഗം ചേ​രു​ന്നു​ണ്ട്. ഈ ​യോ​ഗ​ത്തി​ൽ പു​തി​യ മു​ഖ്യ​മ​ന്ത്രി​യെ ക​ണ്ടെ​ത്തു​മെ​ന്നാ​ണു സൂ​ച​ന. എം​എ​ൽ​എ​മാ​രി​ൽ ഒ​രാ​ൾ​ത​ന്നെ മു​ഖ്യ​മ​ന്ത്രി​യാ​കു​മെ​ന്നാ​ണ് റിപ്പോർട്ടുകൾ. ഇതിന്റെ ഭാ​ഗമായി ഘടക ​ക​ക്ഷി​ക​ളാ​യ ഗോ​വ ഫോ​ർ​വേ​ഡ് പാ​ർ​ട്ടി​യു​മാ​യും മ​ഹാ​രാ​ഷ്ട്ര​വാ​ദി ഗോ​മ​ന്ത​ക് പാ​ർ​ട്ടി​യു​മാ​യും ബി​ജെ​പി നേ​താ​ക്ക​ൾ ച​ർ​ച്ച ന​ട​ത്തും. 

സർക്കാർ രൂപീകരിക്കാൻ അവകാശവാദം ഉന്നയിച്ച്​ കോൺഗ്രസ്​ വീണ്ടും കത്ത്​ നൽകിയ സാഹചര്യത്തിലാണ്​ ബിജെപിയുടെ നീക്കം.  മാപ്​സ എം.എൽ.എ ഫ്രാൻസിസ്​ ഡിസൂസ മരിച്ചതോടെ നിയമസഭയിലെ ബി.ജെ.പി അംഗങ്ങളുടെ എണ്ണം 13 ആയി. നി​ല​വി​ൽ 40 അം​ഗ ഗോ​വ നി​യ​മ​സ​ഭ​യി​ൽ കോ​ണ്‍​ഗ്ര​സി​ന് 14 എം​എ​ൽ​എ​മാ​രു​ണ്ട്. 

ബിജെപി എംഎൽഎമാരിൽ മു​ഖ്യ​മ​ന്ത്രി പ​രീ​ക്ക​ർ അ​ത്യാ​സ​ന്ന നി​ല​യി​ലാ​ണ്. മ​റ്റൊ​രു ബി​ജെ​പി എം​എ​ൽ​എ പാ​ണ്ഡു​രം​ഗ് മ​ഡ്കെ​യ്ക്ക​ർ പ​ക്ഷാ​ഘാ​ത​ത്തെ തു​ട​ർ​ന്നു സ​ഭ​യി​ൽ ഹാ​ജ​രാ​കു​ന്നി​ല്ല. നേ​ര​ത്തെ ര​ണ്ട് കോ​ണ്‍​ഗ്ര​സ് എം​എ​ൽ​എ​മാ​ർ രാ​ജി​വ​ച്ച് ബി​ജെ​പി​യി​ൽ ചേ​ർ​ന്നി​രു​ന്നു. ഇ​ത​ട​ക്കം മൂ​ന്നു സീ​റ്റു​ക​ൾ ഇ​പ്പോ​ൾ ഒ​ഴി​ഞ്ഞു കി​ട​ക്കു​ക​യാ​ണ്. ഈ സാഹചര്യത്തിലാണ് കോൺ​ഗ്രസ് നീക്കം ശക്തമാക്കിയത്.