മഹാരാഷ്ട്രയിലെ നാസിക്ക് ജില്ലയിലെ ജനവാസകേന്ദ്രത്തില്‍ പട്ടാപ്പകല്‍ പുലിയിറങ്ങി. പുലിയുടെ ആക്രമണത്തില്‍ മൂന്ന് പേര്‍ക്ക് പരുക്കേറ്റു. മണിക്കൂറുള്‍ നീണ്ട ശ്രമത്തിനൊടുവില്‍ വനംവകുപ്പ് അധികൃതര്‍ പുലിയെ കൂട്ടിലടച്ചു. ആക്രമത്തില്‍ ഒരു രാഷ്ട്രീയ നേതാവിനും രണ്ട് മാധ്യമപ്രവര്‍ത്തകര്‍ക്കുമാണ് പരുക്കേറ്റത്.
സവര്‍ക്കര്‍ നഗര്‍ ഏരിയയിയലായിരുന്നു പുലിയുടെ ആക്രമണമുണ്ടായത്. ശിവസേനയുടെ പ്രാദേശിക നേതാവ് സന്തോഷ് ഗെയ്ക് വാദ്, ടെലിവിഷന്‍ ക്യാമറാമാന്‍ തബ് രെസ് ഷെയ്ക്, കപില്‍ ഭാസ്‌കര്‍ എന്നിവര്‍ക്കാണ് പരുക്കേറ്റത്. പരുക്കേറ്റവര്‍ സമീപത്തെ ആശുപത്രിയില്‍ ചികിത്സതേടി. സമീപത്തുള്ള കാട്ടില്‍ നിന്ന് എത്തിയതാവാം പുലിയെന്നാണ് വനം വകുപ്പിന്റെ വിശദീകരണം
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
