ശ്രീനഗര്‍: കോവിഡ് വ്യാപനത്തിന് ശമനമില്ലാത്ത സാഹചര്യത്തില്‍ ജമ്മു കശ്മീരില്‍ ലോക്ക്ഡൗണ്‍ നീട്ടി. ഓഗസ്റ്റ് അഞ്ചുവരെയാണ് നീട്ടിയത്. ശനിയാഴ്ച മാത്രം കശ്മീരില്‍ 613 പേര്‍ക്കാണ് രോഗം സ്ഥിരീകരിച്ചത്. 11 മരണവും റിപ്പോര്‍ട്ട് ചെയ്തു. 20,972പേര്‍ക്കാണ് ആകെ രോഗം ബാധിച്ചത്. 12,217പേര്‍ രോഗമുക്തരായി. 377പേര്‍ മരിച്ചു.
അതേസമയം, രാജ്യത്തെ കോവിഡ് ബാധിതരുടെ എണ്ണം പതിനേഴര ലക്ഷം കടന്നു. ഇതുവരെ 17,50,723 പേര്‍ക്കാണ് കോവിഡ് സ്ഥിരീകരിച്ചത്. മരണസംഖ്യ 37,364 ആയി ഉയര്‍ന്നതായും കേന്ദ്ര ആരോഗ്യമന്ത്രാലയത്തിന്റെ കണക്കുകള്‍ വ്യക്തമാക്കുന്നു.
24 മണിക്കൂറിനിടെ 54,735 പേര്‍ക്കാണ് കോവിഡ് സ്ഥിരീകരിച്ചത്. ഈ സമയത്ത് 853 പേര്‍ക്കാണ് ജീവന്‍ നഷ്ടമായത്. നിലവില്‍ 5,67,730 പേരാണ് വിവിധ ആശുപത്രികളില്‍ ചികിത്സയില്‍ കഴിയുന്നത്. ഇതുവരെ 11,45, 629 പേരാണ് രോഗമുക്തി നേടി ആശുപത്രി വിട്ടത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
