ജമ്മുവിൽ സൈനികനെ ഭീകരർ തട്ടിക്കൊണ്ടു പോയി; തെരച്ചിൽ ശക്തമാക്കി സുരക്ഷാ സേന

ശ്രീന​ഗർ: ജമ്മു കശ്മീരിലെ  ഖാസിപോറിൽ നിന്ന് സൈനികനെ ഭീകരർ തട്ടിക്കൊണ്ടു പോയതായി ദേശീയ മാധ്യമമായ എഎൻഐ റിപ്പോർട്ട് ചെയ്യുന്നു. ലൈറ്റ് ഇൻഫന്ററി സൈനികനായ മുഹമ്മദ് യാസീൻ ഭട്ടിനെയാണ് വീട്ടിൽ നിന്നും തട്ടിക്കൊണ്ട് പോയതെന്ന് പൊലീസ് പറയുന്നു.

കഴിഞ്ഞ ആഴ്ചയാണ് അവധിയ്ക്കായി യാസീൻ ബദ്​ഗാമിലെ വീട്ടിലെത്തിയത്. വീടിന് സമീപത്തുള്ള വനമേഖലയിലേക്കാവാം യാസീനെ കടത്തിയതെന്നാണ് കരുതുന്നത്. സൈന്യവും പ്രത്യേക ദൗത്യ സംഘവും മേഖലയിൽ തെരച്ചിൽ ശക്തമാക്കിയിട്ടുണ്ട്. കഴിഞ്ഞ വർഷം ഭീകരർ സമാനമായ രീതിയിൽ സൈനികനെ തട്ടിക്കൊണ്ട് പോയി കൊലപ്പെടുത്തിയിരുന്നു.