ന്യൂഡല്‍ഹി: കോവിഡ് രോഗലക്ഷണങ്ങളോടെ ആശുപത്രിയില്‍ പ്രവേശിപ്പിച്ച ഡല്‍ഹി ആരോഗ്യമന്ത്രി സത്യേന്ദര്‍ ജെയിനിന്റെ സമ്പര്‍ക്ക പട്ടികയില്‍ കേന്ദ്ര ആഭ്യന്തര മന്ത്രി അമിത് ഷായും ഡല്‍ഹി മുഖ്യമന്ത്രി അരവിന്ദ് കെജരിവാളും. രോഗലക്ഷണങ്ങള്‍ കാണിക്കുന്നതിന് തൊട്ടു മുന്‍പ് അമിത് ഷായുമായും അരവിന്ദ് കെജരിവാളുമായും സത്യേന്ദര്‍ ജെയിന്‍ കൂടിക്കാഴ്ച നടത്തിയിരുന്നു. ഇതാണ് ആശങ്കയ്ക്ക് കാരണമായിരിക്കുന്നത്.
ചൊവ്വാഴ്ചയാണ് കടുത്ത പനിയും ശ്വാസതടസ്സവും അനുഭവപ്പെട്ട് ആരോഗ്യമന്ത്രിയെ രാജീവ് ഗാന്ധി സൂപ്പര്‍ സ്‌പെഷ്യാലിറ്റി ആശുപത്രിയില്‍ പ്രവേശിപ്പിച്ചത്. അദ്ദേഹത്തിന് കോവിഡ് ടെസ്റ്റ് നടത്തി.
പ്രധാനമന്ത്രി നരേന്ദ്ര മോദിയുടെ നിര്‍ദേശപ്രകാരം കേന്ദ്ര അമിത് ഷായുടെ നേതൃത്വത്തില്‍ ഡല്‍ഹിയിലെ സ്ഥിതിഗതികള്‍ വിലയിരുത്താന്‍ ഞായറാഴ്ച യോഗം ചേര്‍ന്നിരുന്നു. സത്യേന്ദര്‍ ജെയിനും യോഗത്തില്‍ പങ്കെടുത്തു. ഡല്‍ഹിയിലെ മറ്റു മന്ത്രിമാരും ഐഎഎസ് ഉദ്യോഗസ്ഥരും യോഗത്തില്‍ പങ്കെടുത്തു.
ഈ യോഗത്തിന് ശേഷം തിങ്കളാഴ്ച അമിത് ഷാ സര്‍വ്വകക്ഷി യോഗം വിളിച്ചു കൂട്ടിയിരുന്നു. ഇതില്‍ കോണ്‍ഗ്രസ്, ബിജെപി, ബിഎസ്പി,എഎപി തുടങ്ങിയ പാര്‍ട്ടികളിലെ മുതിര്‍ന്ന നേതാക്കളും പങ്കെടുത്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
