ചെന്നൈ: തമിഴ്‌നാട്ടില്‍ ഇന്ന് കോവിഡ് 19 സ്ഥിരീകരിച്ചത് 639 പേര്‍ക്ക്. ഇതോടെ സംസ്ഥാനത്തെ രോഗ ബാധിതരുടെ എണ്ണം 11,224 ആയി. ചെന്നൈയില്‍ മാത്രം ഇന്ന് 480 പേര്‍ കോവിഡ് ബാധിതരായി. ഇതോടെ 6,750 രോഗബാധിതരാണ് ചെന്നൈയില്‍ മാത്രമുള്ളത്.
ഡല്‍ഹിയില്‍ നിന്ന് ചെന്നൈയിലെത്തിയ രണ്ട് പേര്‍ക്ക് കോവിഡ് സ്ഥിരീകരിച്ചു. ഡല്‍ഹിയില്‍ നിന്നുള്ള ട്രെയിനില്‍ വ്യാഴാഴ്ചയാണ് ഇവര്‍ ചെന്നൈയിലെത്തിയത്. ലോക്ക്ഡൗണ്‍ നാലാം ഘട്ടത്തിലേക്ക് കടക്കുമ്പോള്‍ തമിഴ്‌നാട്ടില്‍ രോഗ ബാധിതരുടെ എണ്ണത്തില്‍ വര്‍ധനവാണുള്ളത്.
തേനി, തെങ്കാശി, തിരുനെല്‍വേലി ജില്ലകളില്‍ രോഗ ബാധിതര്‍ കൂടുകയാണ്. അതേസമയം കോയമ്പത്തൂര്‍, തിരുപ്പൂര്‍, കന്യാകുമാരി ജില്ലകളില്‍ പുതിയ രോഗികളില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
