തിരക്കുള്ള ബസ്സില്‍ സ്വയംഭോഗം ചെയ്തയാളുടെ വീഡിയോ എടുത്ത് ഡല്‍ഹി യൂണിവേഴ്‌സിറ്റി വിദ്യാര്‍ത്ഥി സോഷ്യല്‍ മീഡിയയില്‍ പോസ്റ്റ് ചെയ്തു. യുവതിയുടെ അടുത്തുനിന്നാണ് ഇയാള്‍ സ്വയം ഭോഗം ചെയ്തത്. യുവതി ഇതിനെ ചോദ്യം ചെയ്‌തെങ്കിലും ബസിലുണ്ടായിരുന്ന ആരും ഇതിനെതിരേ ശബ്ദം ഉയര്‍ത്തിയില്ലെന്നും പെണ്‍കുട്ടി ആരോപിച്ചു. സംഭവത്തെക്കുറിച്ച് പരാതി നല്‍കാനെത്തിയപ്പോഴും യുവതിക്ക് മോശം അനുഭവമുണ്ടായി. പരാതി വാങ്ങാതെ ഏഴ് മണിക്കൂറുകളോളമാണ് പൊലീസ് കാത്തുനിര്‍ത്തിയത്. ഡല്‍ഹിയിലാണ് സംഭവമുണ്ടായത്.
ഫെബ്രുവരി ഏഴിനാണ് സംഭവമുണ്ടായത്. യുവതിക്ക് അടുത്തുനിന്നുകൊണ്ട് ബാഗിനെ മറയാക്കി പിടിച്ചാണ് ഇയാള്‍ സ്വയംഭോഗം ചെയ്തത്. ഇതിനിടയില്‍ ഇയാള്‍ യുവതിയെ സ്പര്‍ശിച്ചുവെന്നും ഇവര്‍ പറഞ്ഞു. അടുത്തു നിന്നിരുന്നയാള്‍ എന്തോ ചെയ്യുന്നതായി തോന്നിയെന്നും തന്റെ അരക്കെട്ടില്‍ സ്പര്‍ശിച്ചുവെന്നും അവര്‍ വ്യക്തമാക്കി. സംശയം തോന്നിയതോടെയാണ് അയാള്‍ മൊബൈലില്‍ പകര്‍ത്തിയത്.
സ്വയം ഭോഗം ചെയ്യുകയാണെന്ന് മനസിലായതോടെ ഒച്ചവെച്ചെങ്കിലും യാത്രക്കാരില്‍ ആരും ഇതിനെതിരേ പ്രതികരിക്കാന്‍ തയാറായില്ല. അയാളുടെ പ്രതികരണവും ഞെട്ടിപ്പിക്കുന്നതായിരുന്നെന്നും യുവതി വ്യക്തമാക്കി. എനിക്കെന്തെങ്കിലും ബുദ്ധിമുട്ടുണ്ടെങ്കില്‍ ബസില്‍ നിന്ന് ഇറങ്ങിപ്പോകാനാണ് അയാള്‍ പറഞ്ഞതെന്നും വിദ്യാര്‍ത്ഥി കൂട്ടിച്ചേര്‍ത്തു.
സംഭവം നടന്ന മൂന്ന് ദിവസത്തിന് ശേഷമാണ് പരാതി നല്‍കാന്‍ യുവതി പൊലീസ് സ്റ്റേഷനില്‍ പോയത്. എന്നാല്‍ ഇവിടെ നിന്നും മോശം അനുഭവമാണുണ്ടായത്. ഏഴ് മണിക്കൂറാണ് തന്നെ അവിടെ കാത്തിരിപ്പിച്ചതെന്നും പെണ്‍കുട്ടി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
