മുംബൈ : അപ്രതീക്ഷിതമായി പ്രളയജലം ഇരച്ചെത്തിയതോടെ മഹാരാഷ്ട്രയിലെ മെഡിക്കല് കോളജിലെ അത്യാഹിത വാര്ഡ് മുങ്ങി. മഹാരാഷ്ട്രയിലെ ജലഗാവോണിലെ ഡോ. ഉല്ലാസ് പാട്ടീല് മെഡിക്കല് കോളജിലെ എമര്ജന്സി വാര്ഡാണ് വെള്ളപ്പൊക്കത്തില് മുങ്ങിപ്പോയത്.
വാര്ഡില് ചികില്സയിലായിരുന്ന എട്ടോളം രോഗികളെ ഉടന് തന്നെ സുരക്ഷിത സ്ഥലത്തേക്ക് മാറ്റി. തീര്ത്തും അപ്രതീക്ഷിതമായിരുന്നു. മുമ്പ് ഇത്തരത്തില് ഉണ്ടായിട്ടില്ല. വെള്ളം കയറിയതിനെത്തുടര്ന്ന് ആശുപത്രിയിലെ അത്യാഹിത വാര്ഡിലെ യന്ത്രോപകരണങ്ങള് നശിച്ചതായി ഡോ. പ്രമോദ് ഭിരുണ്ഡ് പറഞ്ഞു.
ഐസിയുവില് അഡ്മിഷന് വേണ്ടി നിരവധി രേഗികള് കാത്തിരിക്കുമ്പോഴായിരുന്നു മഴവെള്ളം കുതിച്ചെത്തിയത്. ഞായറാഴ്ച മഹാരാഷ്ട്രയില് കനത്ത മഴയാണ് പെയ്തത്. ഇതേത്തുടര്ന്ന് ആശുപത്രിയിലും പരിസരത്തും വെള്ളക്കെട്ട് രൂപപ്പെട്ടിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
