ന്യൂഡല്ഹി: ഇന്നലെ അന്തരിച്ച മുന് രാഷ്ട്രപതി പ്രണബ് കുമാര് മുഖര്ജിക്ക് അന്ത്യോപചാരം അര്പ്പിച്ച് പ്രധാനമന്ത്രി നരേന്ദ്രമോദി. രാജാജി മാര്ഗിലെ ഔദ്യോഗിക വസതിയിലെത്തിയാണ് പ്രധാനമന്ത്രി അന്തിമോപചാരം അര്പ്പിച്ചത്. രാഷ്ട്രപതി രാംനാഥ് കോവിന്ദ്, പ്രതിരോധ മന്ത്രി രാജ്നാഥ് സിങ്ങ് തുടങ്ങിയ പ്രമുഖര് അന്തിമോപചാരം അര്പ്പിച്ചു.
രാജാജി മാര്ഗിലെ ഔദ്യോഗിക വസതിയില് രാവിലെ ഒമ്പതു മുതല് 12 മണി വരെ മൃതദേഹം പൊതുദര്ശനത്തിന് വെക്കും. തുടര്ന്ന് രണ്ടുമണിയോടെ ലോധി റോഡിലെ ശ്മശാനത്തില് സംസ്കാരം നടത്തും. ഓഗസ്റ്റ് 10ന് ആശുപത്രിയില് പ്രവേശിപ്പിക്കപ്പെട്ട പ്രണബ്, തിങ്കളാഴ്ച വൈകിട്ട് അഞ്ചരയോടെയാണ് അന്തരിച്ചത്.
ഡല്ഹിയിലെ സൈനിക ആശുപത്രിയില് ചികിത്സയിലിരിക്കെയായിരുന്നു അന്ത്യം. പ്രണബിന്റെ വിയോഗത്തിനു പിന്നാലെ ഓഗസ്റ്റ് 31 മുതല് സെപ്റ്റംബര് ആറുവരെ സര്ക്കാര് ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
