പനാജി: പ്രമോദ് സാവന്ത് ഗോവ മുഖ്യമന്ത്രിയാകും. മനോഹര്‍ പരീക്കര്‍ അന്തരിച്ചതിനെ തുടര്‍ന്നുണ്ടായ ഒഴിവിലാണ് നിലവിലെ നിയമസഭാ സ്പീക്കറായ സാവന്തിനെ തേടി മുഖ്യമന്ത്രി സ്ഥാനം എത്തുന്നത്. മനോഹര്‍ പരീക്കറുടെ സംസ്‌കാര ചടങ്ങുകളില്‍ പങ്കെടുക്കാനെത്തിയ ബിജെപി ഉന്നത നേതാക്കളുടെ യോഗത്തിലാണ് തീരുമാനം. രണ്ട് ഘടക കക്ഷികള്‍ക്ക് ഉപമുഖ്യമന്ത്രി സ്ഥാനം നല്‍കാനും ധാരണയായി. സുധീര്‍ ധവാലികര്‍, വിജയ് സര്‍ദേശായി എന്നിവരാണ് ഉപമുഖ്യമന്ത്രിമാരായി സത്യപ്രതിജ്ഞ ചെയ്യുക.
പരീക്കറുടെ നിര്യാണത്തോടെ മുഖ്യമന്ത്രി സ്ഥാനത്തിന് അവകാശവാദം ഉന്നയിച്ച് സഖ്യകക്ഷികളായ മഹാരാഷ്ട്ര വാദി ഗോമാതകും ഗോവ ഫോര്‍വേഡ് പാര്‍ട്ടിയും രംഗത്തെത്തിയിരുന്നു. പുതിയ സര്‍ക്കാര്‍ ഉണ്ടാക്കാന്‍ അനുവദിക്കണമെന്ന് ആവശ്യപ്പെട്ട് കോണ്‍ഗ്രസും ഗവര്‍ണര്‍ക്ക് കത്ത് നല്‍കിയിരുന്നു. എന്നാല്‍ ബിജെപിയുടെ വിശ്വസ്തനായ പ്രമോദ് സാവന്തിനെ മുഖ്യമന്ത്രിയാക്കുന്നതിലൂടെ ഭരണം തുടരാന്‍ തന്നെ അമിത് ഷായുടെ നേതൃത്വത്തിലുള്ള ബിജെപി നേതാക്കള്‍ തീരുമാനം എടുക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
