മുംബൈ: ദുര്‍മന്ത്രവാദത്തിന്റെ പേരില്‍ 55കാരനെ അയല്‍വാസികള്‍ ചേര്‍ന്നു കൊലപ്പെടുത്തി. ഇരുമ്പുദണ്ഡ് ഉപയോഗിച്ച് അടിച്ചാണ് കൊലപാതകം നടത്തിയതെന്ന് പൊലീസ് പറയുന്നു.
മഹാരാഷ്ട്ര നാഗ്പൂരില്‍ നിന്ന് 40 കിലോമീറ്റര്‍ അകലെയാണ് സംഭവം. ബന്ധുവിന്റെ ആരോഗ്യസ്ഥിതി വഷളാവാന്‍ കാരണം അയല്‍വാസിയായ വിദ്യാധര്‍ രംഗരിയുടെ ദുര്‍മന്ത്രവാദമാണെന്ന് സംശയിച്ചാണ് നാലുപേര്‍ ചേര്‍ന്ന് കൊലപ്പെടുത്തിയത്. 55കാരനെ ഇരുമ്പുദണ്ഡ് ഉപയോഗിച്ച് അടിച്ച് പ്രതികള്‍ കൊലപ്പെടുത്തുകയായിരുന്നുവെന്ന് പൊലീസ് പറയുന്നു.
കൊലപാതക കുറ്റം ഉള്‍പ്പെടെ വിവിധ വകുപ്പുകള്‍ ചേര്‍ത്താണ് പ്രതികള്‍ക്കെതിരെ കേസെടുത്തിരിക്കുന്നത്. റിമാന്‍ഡ് ചെയ്ത പ്രതികളെ കൂടുതല്‍ ചോദ്യം ചെയ്യുന്നതിനായി കോടതി പൊലീസ് കസ്റ്റഡിയില്‍ വിട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
