ചെന്നൈ: ലോക്സഭ തെരഞ്ഞെടുപ്പില് തമിഴ്നാട്ടില് ബിജെപി എഐഎഡിഎംകെയുമായി സഖ്യനീക്കം ഉറച്ചതോടെ അതൃപ്തി പരസ്യപ്പെടുത്തി എഐഎഡിഎംകെ സഖ്യത്തിലെ മറ്റു കക്ഷികള് രംഗത്ത്. ബിജെപിയുമായി സഖ്യമുണ്ടാക്കിയാല് തങ്ങള് പുറത്തുപോകുമെന്ന് പാര്ട്ടികള് മുന്നറിയിപ്പ് നല്കി.
സഖ്യകക്ഷികളായ മനിതനേയ ജന നായക കക്ഷി, കൊങ്കു ഇലൈഞ്ജര് പേരവൈ, മുക്കളത്തൂര് പുലിപ്പടൈ തുടങ്ങിയ കക്ഷികളാണ് പ്രതിഷേധവുമായി രംഗത്തെത്തിയിരിക്കുന്നത്.
ബിജെപിയുമായി ചേര്ന്നാല് കെട്ടിവച്ച പണം കിട്ടില്ലെന്നാണ് സഖ്യകക്ഷികളുടെ നിലപാട്. എന്നാല് ഈ ചെറുപാര്ട്ടികളുടെ പ്രതിഷേധങ്ങള്ക്ക് അധികം ചെവി കൊടുക്കേണ്ടതില്ലെന്നാണ് എഐഎഡിഎംകെയുടെ നിലപാട്. എഐഎഡിഎംകെ ചിഹ്നത്തിലാണ് ഈ സഖ്യകക്ഷികളുടെ നേതാക്കള് മത്സരിച്ച് ജയിച്ചത്. പ്രതിഷേധം കനപ്പിച്ചാല് അച്ചടക്ക ലംഘനം ചൂണ്ടിക്കാട്ടി ഇവരെ അയോഗ്യരാക്കാം. ഇതാണ് എഐഎഡിഎംകെയുടെ തുറുപ്പു ചീട്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
