കൊല്ക്കത്ത: ബംഗാള് ഉള്ക്കടലില് രൂപംകൊണ്ട ബുള്ബുള് ചുഴലിക്കാറ്റ് രാത്രി 11 മണിയോടെ കരയിലേക്ക് കടക്കും. കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പനുസരിച്ച് അതീവ ജാഗ്രതാ നിര്ദ്ദേശമാണ് പുറപ്പെടുവിച്ചിരിക്കുന്നത്. പശ്ചിമ ബംഗാളില് ശക്തമായ മഴ പെയ്യുമെന്ന് മുന്നറിയിപ്പ്.
ചുഴലിക്കാറ്റിന്റെ പശ്ചാത്തലത്തില് കൊല്ക്കത്ത വിമാനത്താവളത്തില് നിന്നുളള സര്വീസുകള് തല്ക്കാലം നിര്ത്തിവെയ്ക്കും.ഇന്ന് വൈകീട്ട് ആറുമണിമുതല് തിങ്കളാഴ്ച രാവിലെ ആറുമണിവരെയാണ് വിമാനങ്ങളുടെ സര്വീസ് നിര്ത്തിവെയ്ക്കുന്നത്. തിങ്കളാഴ്ച്ച സ്കൂളുകള്ക്കും കോളേജുകൾക്കും, സ്ഥാപനങ്ങൾക്കും പശ്ചമിബംഗാളില് അവധിയായിരിക്കും. സംസ്ഥാന സര്ക്കാര് സുരക്ഷാ മുന്നറിയിപ്പ് നല്കിയിട്ടുണ്ട്.
ചുഴലിക്കാറ്റിന്റെ സ്വാധീനഫലമായി കേരളത്തില് പരക്കെ മഴയ്ക്ക് സാധ്യതയെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ശക്തമായ മഴ ലഭിക്കുമെന്ന വിലയിരുത്തലിനെ തുടര്ന്ന് സംസ്ഥാനത്തെ വിവിധ ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്.
പത്തനംതിട്ട, ഇടുക്കി, കൊല്ലം, തിരുവനന്തപുരം,മലപ്പുറം എന്നി ജില്ലകളില് ഇന്നും ഇടുക്കി,തിരുവനന്തപുരം, കൊല്ലം ജില്ലകളില് നാളെയും യെല്ലോ അലര്ട്ട് പ്രഖ്യാപിച്ചു. മണിക്കൂറില് 130 മുതല് 140 കിലോമീറ്റര് വരെ വേഗതയിലും ചില അവസരങ്ങളില് 155 കിലോമീറ്റര് വേഗതയിലും ശക്തമായ കാറ്റ് വീശാന് സാധ്യതയുളളതിനാല് ഇന്ന് വടക്ക് ബംഗാള് ഉള്ക്കടലില് നാളെ ഒഡീഷ പശ്ചിമ ബംഗാള് തീരങ്ങളിലും മത്സ്യബന്ധത്തിന് പോകരുതെന്ന് മുന്നറിയിപ്പ് നല്കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
